PM:12:32:09/06/2022
704 جار خوێندراوەتەوە
+
-
میدیایێن فەرمیێن ئیرانێ
بەلاڤکر، د هێرشا شەڤا دەربازبوویا سەر باژێڕێ هەولێرێ دا ئەگەر هەیە فەرماندەیێ یەکەیا
تیرۆرا دەزگەهێ هەوالگریا ئیسرائیل – موساد – هاتبیتە کوشتن.
ئەڤرۆ پێنجشەمبی، ڕووپەل
و تەلەفیزیۆنا سەداو سیما و ئاژانسا تەسنیما ئێرانی بەلاڤکر، نووچەگەهانێن وان
ئاماژە ب وێیەکێ کریە، د هێرشا شەڤا دەربازبوویا سەر باژێڕێ هەولێرێ ب بالەفڕا بێ
بالەفڕڤان کونسولخانەیا ئەمریکا کریە ئارمانج و ئەو هێرشە دوو کیلۆمەتران ژ دووریا
وێ کونسولخانێ ئەنجامدایە.
ئەو یەک ژی دادیارکرن،
هەرلدیڤ زانیاریێن وان د هێرشێ دا ئەگەر هەیە "ئیلاک رون" فەرماندەیێ یەکەیا
تیرۆریا موساد یا ئیسرائیلێ هاتبیتە کوشتن.
ئاژانسا تەسنیم ئاماژە
ب وێیەکێ ژی دایە کو ئاژانسا رۆیتەرز بەلاڤکریە، ئێک ژ بنگەهێن ئەمنیێن کۆنسولخانەیا
ئەمریکا د وێ هێرشێ دا کریە ئارمانج.
هەروەسا، تەلەفیزیۆنا
سەدا و سیمایا ئێرانێ بەلاڤکر، نەجاح محەمەد عەلی رۆژنامەڤان و شرۆڤەکارێ سیاسیێ عێراقی
د تویتا خۆدا بەلاڤکریە، د هێرشا شەڤا دەربازبوویا سەر باژێڕێ هەولێرێ دا ب بالەفڕێن
بێ بالەفڕڤان ئێلان روۆک فەرماندەیێ ئێکێ یێ تیرۆرا سەر ب دەزگەهێ هەوالگریا موساد
ل باژێڕێ هەولێرێ کوشتیە.
ئەویەک ژی دادیارکرن،
تا نها چ گروپێن چەکدار بەرپرسیارەتیا خۆ د هێڕشا شەڤا دەربازبوویا سەر باژێڕێ هەولێرێ
ڕانەگەهاندیە.
ئەڤە د دەمەکیدایە، شەڤا دەربازبووی دەنگەکێ بهێز ل باژێڕێ هەولێرێ هاتە بهیستن و وپشترا دژەتیرۆرا کوردستانێ ڕاگەهاند، ئەو بوویەر تەقینەوە بوویە و ب سەدەما درۆنەکا بۆمبرێژکری بوویە. لدیڤ زانیاریێن نووچەگەهانێ ئێن ئاڕ تی ژی، ئەو جهێ کو درۆن لێ کەفتیە خار جهەکێ چال بوویە.
بەرێ سپێدەهیا ١٣ی ٣ی ٢٠٢٢، ١٢ موشەکەکا بالیستی ل دەرڤەی سنورێن عێراقێ و ھەرێما کوردستانێ ئاراستەی باژێڕێ ھەولێرێ هاتەکرن کو جودا ژ زەرەرێن ماددی، زەرەرێن ژیان ژدەستدانێ نەبوون.