PM:12:31:19/05/2022
568 جار خوێندراوەتەوە
+
-
ئەڤرۆ ١٩ ئەیارا ٢٠٢٢ێ پێنج سال بسەر وەغەرا داویێ یا نەوشێروانی مەستەفا سیساسەتمەدار و دامەزرێنەر و رێکخەرێ گشتیێ بەرێ یێ بزاڤا گۆڕان دەربازدبن.
نەوشێروان مەستەفا ئەمین، سیاسەتمەدار و رووناکبیر و دامەزرێنەر و رێکخەرێ گشتیێ بەرێ یێ بزاڤا گۆڕان، ل سالا ٢٠١٧ێ و ل هەمان رۆژا ١٩ ئەیارێ بسەدەمێ نەخۆشیێ وەغەرا داوی کر.
دەربارەی وەغەرکرنا نەوشێروان مستەفای بزاڤا گۆڕان د ڕاگەهاندنەکێدا بەلاڤکر، "د ڤی بیرەوەریێ دا گازیدکەین بۆ ئاشتیا گشتی و روینشتنا ئالیێن کوردی لسەر مێزا گۆتۆبێژان؛ بۆ گەهشتن ب کۆڕایا سیاسی و دانانا ستراتیجیەکا نشتیمانی بۆ ئارمانجا چارەسەرکرنا قەیرانێن سیاسی و دروستکرنا باوەریا سیاسی دناڤبەرا وەلاتیان و دامەزراوەیێن حوکمرانی".
نەوشێروان مستەفا ل سالا ١٩٤٤ ل باژێرێ سلێمانیێ ژدایکبوویە، ل سالێن شێستاندا، دەست ب کار و چالاکیێن سیاسی کربوو، ئێکەم ویستگەهـا ژیانا سیاسی ژی ئێکەتیا قوتابیێن کوردستانێ بوو.
دەرچوویێ سالا ١٩٦٧ێ کۆلیژا زانستێن سیاسیا زانکۆیا بەغدا بوو و پشترا ل زانکۆیا ڤیەننا درێژی ب خاندنێ دایە، ل سالا ١٩٧٥ێدا ڤەگەڕیایە کوردستانێ و درێژی ب کارێ سیاسی و کارێ پێشمەرگایەتیێ دایە.
نەوشێروان مستەفا ژبلی کارێ سیاسی ل زانکۆیا سلێمانیێ پشکا ڕاگەهاندنێ وانە گوتینە، نڤیسەر بوو و چەندین پەرتوک هەنە ژ وان ژی (کورد و عەجەم، حکومەتا کوردستانێ، ل کەنارێ دانوبەوە بۆ خڕی ناوزەنگ، کورد ل گەمەی سۆڤیەتدا، پەنجەکان یەکتر ئەشکێنن، ژیانا ب تەمەنترین رۆژنامەیا کوردی ل ١٩٨٣-١٩٢٦، بەدەم رێگاوە گولچنین کو سێ کتێب و پێنج بەرگەنە).