PM:12:54:18/05/2022
1032 جار خوێندراوەتەوە
+
-
پۆلیسێن پارێزگەها دهۆکێ ڕاگەهاند، بۆ دەمێ زێدەتر ژ دوو مەهانە ل سنورێ قەزا زاویتە و گوندێن دەوروبەر چەندین دزی هاتینە کرن و دزی ژ نێزیکی ٢٠ خانیێن گوزاری هاتینە کرن.
هێمن سلێمان پەیڤدارێ پۆلیسێن پارێزگەها دهۆکێ د کونگرەیەکێ رۆژنامەڤانیدا ڕاگەهاند، بۆ دەمێ زێدەتر ژ دوو مەهانە ل سنورێ قەزا زاویتە و گوندێن دەوروبەر چەندین دزی هاتینە کرن و دزی ژ نێزیکی ٢٠ خانیێن گوزاری هاتینە کرن، دبێژیت ژی، کەلوپەلێن بها گران ژ ١٠ خانیان هاتینە دزینن.
ئاماژە ب وێ یەکێ ژی کر، دوو کەس ب تۆهمەتا دزیێ هاتینە دەستەرسەرکرن کو ل دەمێ دزیکرنێ ب چەکڤە ئەو کارە دکرن، ئامیرەیێن تایبەت یێن دزیێ بکاردئینان.
بەحسا وێ یەکێ ژی کر، کو ئەو کەلوپەلێن هاتینە دزین پێک دهێن ژ چەند جورێن چەکی و کەلوپەلێن چاندنێ.
دەربارەی تۆهمەتباران ژی ڕاگەهاند، ئەو کەسە ئاکنجیێن پارێزگەها دهۆکێ نە و ژیێ وانا دناڤبەرا ٢٥ بۆ ٣٠ سالیێ دایە.
دەربارەی پسیارا نووچەگەهانێ ئێن ئاڕ تی لسەر کەسەکی کو جلێن ژنان لبەر خۆ کربوون ل ناحیا رۆڤیا ڕاگەهاند، کەسەک ل ناحیا رۆڤیا هاتیە دەستەسەرکرن کو خەلکێ پارێزگەها موسل بوو و ئاکنجیێ باژێرێ هەولێرێ یە، دبێژیت ژی، وەلاتی د خاپاندن و چەند وەلاتیان ژی سکالا لسەر تۆمارکرینە ژ ئالیێ پۆلیسان هاتیە دەستەسەرکرن و ڤەکۆلین بەردەوامن.