AM:09:42:18/05/2022
832 جار خوێندراوەتەوە
+
-
لدویف ئەنجامێن داویێ یێن هەلبژارتنێن پەرلەمانێ نویێ لبنانێ کو وەزیرێ ناڤخۆیا وی وەلاتی ئەشکەراکر، حزبۆلا و هەڤپەیمانێن وێ ل پەرلەمانێ نویێ لبنانی پتریا وی ژ دەستدا.
لدویف ئەنجامێن هەلبژاتنان، حزبۆلا و هەڤپەیمانێن وێ ٦٢ کورسی بدەستڤەئیناینە و پتریا پەرلەمانێ لوبنانێ ژدەستدایە، ئەو ژی پشتی شکەستن ئینانا دەستهەلاتدارێن وی وەلاتیە ژ چارەسەرکرنا قەیرانێن جودا جودا یێن لبنانێ دهێت.
هەڤدەم پارتا هێزێن لوبنانی کو پارتەکا ئۆپۆزسیۆنە، ل میدیایێن خۆ بەلاڤکر، ٢٥ بۆ ٣٠ کورسیێن پەرلەمانی بدەستڤە ئیناینە و بهەڤبەرکرن ب هەلبژارتنێن دەربازبووی، نێزیکی ١٥ کورسیێن پەرلەمانی زێدەکرینە.
حزبۆلا دیارترین هێزا سیاسی و سەربازیا وی وەلاتیە و بەریا نها دگەل هەڤپەیمانێن خۆ ژ کۆما ١٢٨ کورسیێن پەرلەمانی خۆدانا ٧١ کورسیان بوو و نها ٦٢ کورسی هەنە و ب وێ یەکێ ژی حزبۆلا ٩ کورسی ژدەستداینە.