PM:08:13:17/05/2022
664 جار خوێندراوەتەوە
+
-
سەرۆکێ روسیا ڕاگەهاند، ئەندامبوونا فنلەندا و سوید د ناتۆیێدا چ گەفەکێ لسەر روسیا دروستناکەت، لێ نابیت ناتۆ سەربازێن خۆ ل وان دوو وەلاتان زێدە بکەت.
ڤلادیمیر پۆتین سەرۆکێ روسیا بۆ میدیایێن وەلاتێ خۆ ڕاگەهاند، دەربارەی بەرفرەهبوونا ناتۆیێ، روسیا چ ئاریشەیەک دگەل فنلەندا و سوید نینن و دبێژیت ژی، ئەگەر ئەو وەلاتە بچنە دناڤ ناتۆ و وێ رێکخراوێدا، بەرفرەهببیت چ گەفەکا دەملدەست لسەر روسیا دروستناکەت.
بەحسا وێ یەکێ ژی کر، ناتۆ ژ ئەگەرێ بەرفرەهبوونا ژێرخانەیا سەربازی ل وان دەڤەرێن نێزیک سنورێ روسیا بێگومان دێ روویبرووی بەرسڤا روسیا بیت.
ژ ئالیێ خۆ، سێرگی لاڤرۆڤ جێگرێ وەزیرێ دەرڤە یێ روسیا ڕاگەهاند، پێدڤیە رۆژئاڤا هزرنەکەت ژ وێ کو روسیا وەسا ب سادەیی بەرفرەهبوونا ناتۆیێ ل باکوری پەسەندبکەت.
ئەڤە ددەمەکیدایە، پوتینی چەند جاران ئاماژە ب وێ یەکێ کریە کو بەرفرەهبوونا هەڤپەیمانیا ناتۆیێ بۆ وان وەلاتێن کو بەریا نها سەر ب ئێکەتیا سۆڤیەت بوون و نێزیکن ژ سنورێن روسیا سەدەمن بۆ گەفێن وی وەلاتی بۆ سەر ئۆکرانیا.
هەڤدەم روسیا راوەستاندنا وان هێرشان گرێدایە ب پاشڤە زڤڕینا ئۆکرانیا ب ئەندامبوونێ د ناتۆیێدا.
ئەردۆغانێ سەرۆکێ تورکیا ژی د ئێکەم کارڤەداندا ڕاگەهاند، دژی ئەندامبوونا وی وەلاتینە کو سزا بسەر تورکیادا سەپاندین.