AM:11:47:17/05/2022
4324 جار خوێندراوەتەوە
+
-
دادگەها ڤەکۆلینا کەرخ
ل باژێڕێ بەغدایا پایتەختا عێراقێ بانگهێشتی هشیار زێباری ئەندامێ مەکتەبا سیاسیا
پارتی کر ب تۆهمەتا سڤکاتی کرن ب دادگەها بلندا فیدرالی کو بلندترین دەستهەلاتا
دادوەرییە ل عێراقێ.
ئەڤرۆ سێشەمبی، ژێدەرەکی
ژ دادگەها ڤەکۆلینا پشکا کەرخ ل باژێڕێ بەغدا ئاشکەرا کر، ب تۆهمەتا سفکاتی کرن ب دادگەها
بلندا فیدرالی، هشیار زێباری ئەندامێ مەکتەبا سیاسی هاتە بانگهێشتکرن بۆ دادگەها ڤەکۆلینا
کەرخ.
وی ژێدەری ئاماژە ب وێ
ژی دایە، لسەر سکالایەکێ کو ل ١٦ی ٥ی ٢٠٢٢ ژ ئالیێ نوینەرێ یاسایا دادگەها بلندا فیدرالی
دەربارێ "تاوانا سفکاتی کرن ب دادگەهێ ب ئاوایەکێ دووبارە" لسەر وی تۆمارکریە،
دادگەهێ بڕیارا بانگهێشتکرنێ بۆ وی دەرێخستیە.
د دەما دەربازبوویدا ب
سەدەمێ ژێ ستاندنا باوەریێ بۆ خۆ بەربژێرکرنێ بۆ پۆستێ سەرۆک کۆمارێ عێراقێ و قەدەغەکرنا
فرۆتنا پەترۆل و غازا هەرێمێ ژ ئالیێ دادگەها بلندا فیدڕالیا عێرقێ، هشیار زێباری
ئەندامێ مەکتەبا سیاسیا پارتی چەند جاران رەخنە ل وێ دادگەهێ گرتیە و بڕیارێن وێ
ژی ب سیاسی وەسفکرینە.
دوهی ژی، جارەکا دی هشیار
زێباری بڕیارا وێ دادگەهێ دەربارێ رەتکرنا پرۆژە یاسایێ ئەولەهیا خارنێ ب "بڕیارەکا
ئالیگرانە بۆ ئالیەکێ سیاسی و زەرەر گەهاندن ب وەلاتیان و ئەولەهیا خارنێ و ئابوریا
عێراقێ" وەسفکر.