PM:05:41:16/05/2022
1048 جار خوێندراوەتەوە
+
-
وەزارەتا بەرەڤانیا ئۆکرانیا ڕاگەهاند، ئەو هێزێن
ولاتێ وان یێن کو بەرەڤانیێ ل باژێڕێ خارکێڤ دکەن شیاینە سوپایێ روسیا ل وی باژێری
دەربێخن و بەرەڤ سنورێن روسیا پێشڤەچوونێ بکەن.
وەزارەتا بەرەڤانیا ئۆکرانیا د ڕاگەهاندنەکێدا
ئاماژە ب وێیەکێ کریە، فەوجا ٢٢٧یا لیوایا ١٢٧یا هێزێن بەرەڤانیا ئۆکرانیا گەهشتیە
سنوورێ ولاتێ وان دگەل روسیا و گۆتژی "پێکڤە بەرەڤ سەرکەفتنێ دچین."
گۆتیە ژی، "سوپاسیا هەمی وان کەسان دکەین یێن
کو ژیانا خۆ د ئێخنە مەترسیێ و ئۆکرانیا ژ دەست داگیرکەرێن روسی ڕزگاردکەن."
هەڤدەم، وێ وەزارەتێ ل تۆڕا جڤاکیا فەیسبووکێ
دا گرتە ڤیدیۆیەک بەلاڤکریە و دناڤدا ١٢ سەربازێن ئۆکرانی ل سەنگەرەکێ سەر سنوورێ د
ناڤبەرا ئۆکرانیا و روسیا دا ب رەنگێن ئاڵایێ ئۆکرانیا دەرد کەڤن.
ئەڤەژی د دەمەکیدایە، نێزیکی سێ مەهن شەڕێ دناڤبەرا
روسیا و ئۆکرانیا دا بەردەوامە و روسیاژی ڕاوستاندنا هێرشان گرێداەیە ب پەشیمانبوونا
ئۆکرانیا ل داخازا ب ئەندام بوونێ ل رێکخراوا باکورێ ئەتلەسی (ناتۆ).