AM:09:20:15/05/2022
1132 جار خوێندراوەتەوە
+
-
پۆلیسێن باژێڕێ نیۆرک ل ئەمریکا ڕاگەهاند، گەنجەکێ
ژیێ وی ١٨ سال کو خاندەکارێ زانکۆیە ل سوپەرمارکێتەکێ دەستڕێژیا گولـلەیان کریە و ب
وێ سەدەمێ ١٠ کەس هاتن کوشتن و سێ یێن دی برینداربوون. دبیێژیت ژی، "ژ وان ١٣
کەسان ١١ رەشپیست و دوو سپی پیست بوون".
ئەڤرۆ ئێکشەمبی، ئاژانسا نووچەیا رۆیتەرز ل زارێ
دەستهەلاتدارێن باژێڕێ نیۆرکێ ڤە بەلاڤکر، ڤەکۆلینان ژ بوویەرێ دەست پێکریە و بوویەر
ژی ب "رەگەزپەرستی" و "تاوانا کەربوکینێ" وەسف کریە.
پۆلیسێن نیۆرک ئاماژە ب وێ ژی دایە، وی تۆهمەتباری
پێشتر ل ئینتەرنێتێ بەلاڤکریە کو د وێ سۆپەرمارکێتێ دا وێ هێرشێ ئەنجامددەت و بۆ هێرشێ
ژی ل دووریا چەندین دەمژمێران ب تنێ هاتیە دەڤەرا بۆڤالۆ ل نیۆرک.
لدیڤ ڤەکۆلینێن دادگەهێ ناڤێ تۆهمەتباری "بایتون
جیندرون"ە و ل دەڤەرا کۆنکلین ل "سازرن تایر" ل باشورێ نیۆرک ل نێزیک
سنورێ ویلایەتا پەنسلڤانیا دژیا کو ژمارەیا ئاکنجیێن وێ ٥٠٠ هزار کەسن. دبێژیت ژی،
خواندەکارێ زانکۆیە و ل کۆلێژا برۆم کۆمیونیتی ل زانکۆیا نیۆرک.
جۆزێف گراماگیان ئەفسەر ژ پۆلیسێن بۆڤالۆ د کۆنفرانسەکا
رۆژنامەڤانیدا ڕاگەهاند، تۆهمەتباری چاکیتێ گولـلە نەبڕ دبەردابوویە و ١٣یێن دی ب
ئارمانج گرتینە کو ١٠ کەسان ژیاناخۆ ژدەستدایە و سێ یێن دی ژی برینداربووینە و ژوێ
هەژمارێ ژی ١١کەس رەش پیست و دوو ژی سپی پیست بوون.
دبێژیت ژی، بەری کو بهێتە دەستەسەرکرن بزاڤکرن
خۆ بکوژیت، لێ پۆلیس شیاینە ب شێمان بکەن کو خۆ نەکوژیت و دەستەسەر بکەن.