PM:07:51:13/05/2022
1208 جار خوێندراوەتەوە
+
-
دگەل بەردەوامیا
خۆنیشاندانێن ئیرانێ ژبەر گرانیا بهایێ خۆراک و پێتڤیێن سەرەکی، هێزێن ئەولەکاریا
وی وەلاتی ٢٢ خۆنیشاندەر دەستەسەرکرن و ئەندامەکێ تیما ئاگرڤەمراندنێ ژی
برینداربوو.
ئەڤرۆ ئەینی، ئاژانسا
فەرمی یا نووچەیێن ئێرنایا ئیرانێ بەلاڤکریە، د ئێک شەڤێ دا ١٥ خۆنیشاندەر ل
باژێرێ دێزفول ل باشورێ رۆژئاڤایێ پارێزگەها خۆزستان و حەفت کەسێن دی ژی ل باژێرێ
یاسوج ل باشورێ وی وەلاتی دەستەسەرکرینە.
ئاماژە ب وێیەکێ
ژیکریە، ٢٠٠ خۆنیشاندەر ل باژێرەکێ دی یێ پارێزگەها خۆزستان خڕڤەبوونە، پشتی
وێیەکێ خۆنیشاندەران بەر هاڤێتینە پۆلیسێن ئاگرڤەمراندنێ، ئێک ژ ئەندامێن وێ تیمێ
برینداربوویە.
ئاژانسا ئێرنا بەحسا
وێیەکێ ژیکریە، ئەڤرۆ ئەینی ڕەوش ل هەمی دەڤەران ئارام بوویە، هەروەسا وێنەیەکێ
ئیبراهیم رەئیسی یێ سەرۆکێ ئیرانێ بەلاڤکریە کو نیشان ددەت دگەل کرێکارێن ناڤ
بازارێ تەهران کومبوویە هەیا گوهێ خۆ بدەت دلگرانیێن وان.
ئەڤە ددەمەکێ دایە،
دڤێ حەفتیێ دا حکومەتا ئیرانێ ڕاگەهاند، بهایێ رۆن، مریشک، هێک و شیر بلند دبیت،
ئەڤەژی ددەمەکێ دایە، بهایێ خۆراکی لسەرتاسەری رۆهەلاتا ناڤەڕاست بلندبوویە، ژبەر
هێرشێن روسیا بۆ سەر کۆمپانیا سەرەکی یا هەناردەکرنا خۆراکی ل ئۆکرانیا، هەڤدەم،
ژبەر گرانبوونا بهایێ خۆراکی و پێتڤیێن سەرەکی ل باشورێ ئیرانێ خۆنیشاندانان
دەستپێکر.