PM:10:46:11/05/2022
564 جار خوێندراوەتەوە
+
-
سەرۆکاتیا سوپایێ ئۆکرانیا ڕاگەهاند، ژ
دەستپێکا شەڕی و هەیا نها ٢٦ هزار سەربازێن روسیا هاتینە کوشتن.
سەرۆکاتیا ئەرکانیا سوپایێ ئۆکرانیا نوویترین
زانیاری دەربارەی زیانێن سوپایێ روسیا ژ ٢٤ سباتێ بۆ ١٠ ئایارێ بەلاڤکر و هەر دووێ
بەلاڤکرنێ دا هاتیە، ٣٥٠ سەربازێن دی یێن سوپایێ روسیا د هەیاما ٢٤ دەمژمێرێن
دەربازبووی دا هاتینە کوشتن.
ل گۆرەی زانیاریێن سەرۆکاتیا ئەرکانی یا
سوپایێ ئۆکرانیا هەیا ئەڤرۆ، ٢٦ هزار سەربازێن روسیا کوشتینە و ١٩٩ بالەفڕێن شەڕی دگەل
١٥٨ ئەلیکۆپتەران، هزار و ١٧٠ تانک، دوو هزار و ٨٠٨ ترۆمبێلێن زریپۆش، ٥١٩
تۆپهاڤێژـ ١٨٥ مووشەکهاڤێژ، ٨٧ سیستەمێ بەرەڤانیا روسیا ژناڤبرینە.
ڕاگەهاندیەژی، روسیا هزار و ٩٨٠ ترۆمبێلێن
سەربازی، ٣٨٠ بالەفڕێن بێ بالەفڕڤان و ١٢ کەشتی و یەختیێن لەزاتیا ناڤنجی ژ
دەستداینە.
هەر لدیڤ هەمان ژێدەر شیاینە ٩٤ مووشەکان
ئاڕاستەی سوپایی روسیا ژ ئالیێ یەکەیێن هێزێن بەرەڤانیا ئەسمانیا ئۆکرانیا ڤە
تێکبشکینن.
ئەڤە ددەمەکێ دایە، وەزارەتا بەرەڤانیا روسیا
بەریا نها د ڕاگەهاندنەکێ دا کو ل ٢٥ی ئادارێ بەلاڤکربوو تێدا هاتبوو، هزار و ٣٥١
سەربازێن ئۆکرانی کوشتینە.