سەرنووچە:

داوی بزاڤێن ئەوروپا بۆ ناڤەندگێریا ئەمریکا و ئیرانێ

PM:05:47:07/05/2022

572 جار خوێندراوەتەوە

+ -

بەرپرسێ پەیوەندیێن دەرڤە یێ ئێکەتیا ئەوروپا ڕاگەهاند، ئێکەتیا ئەوروپا بۆ رزگارکرنا لهەڤهاتنا ئەتۆمیا ئیران و ئەمریکا و شکاندنا وێ هەلاویستنا د ناڤبەرا وان دوو وەلاتاندا هەی داوی بزاڤێن خۆ دێ ئێخیتە کار.

جۆزێف بۆریل بەرپرسێ پەیوەندیێن دەرڤە یێن ئێکەتیا ئەوروپا د داخۆیانیەکێدا بۆ رۆژنامەیا فاینانشەل تایمز گوتیە، پشتی سالەکێ ژ بزاڤێن ئێکەتیا ئەوروپا بۆ چارەسەرکرنا ئاریشەیێن لهەڤهاتنا ئەتۆمیا ئیرانێ و ئەمریکا، ئێکەتیێ دڤێت بگەهیتە چارەسەریەکا ناڤەندی دناڤبەرا هەردوو ئالیاندا.

هەر دەربارەی وێ یەکێ ژی، نێد پڕایس پەیڤدارێ وەزارەتا دەرڤەیا ئەمریکا گوت، "پشتراست نینینن ژ ڤەگەڕیانا وەلاتێ وی بۆ ناڤ وێ لهەڤهاتنا و ئەمریکا ئامادەیە بۆ هەر ئەگەرەکێ لهەڤهاتنێ یان لهەڤنەهاتنێ".

ئەڤە ددمەکیدایە، لهەڤهاتنا ڤییەنا یا تایبەت ب کۆنترۆلکرنا چالاکیا ئەتۆمیا ئیرانێ دناڤبەرا وی وەلاتی و ئەمریکا دا رەوشەکا هەلاویستی و ئیرانێ بەریا نها ڕاگەهاند، ب ناڤەندگێریا ئەوروپا بەردەوامە ژ گۆتۆبێژکرنێ دگەل ئەمریکا.

گەلەری