PM:03:59:07/05/2022
1260 جار خوێندراوەتەوە
+
-
سەرۆکێ ئوکرانیا ڕاگەهاند، چار مەرج هەنە بۆ دانوستاندنا ئاشتیانە دگەل
روسیا کو پێکهاتینە ژ بدەستڤە ئینانا ئەندامەتیێ دگەل یەکێتیا ئەورۆپا و
ڤەگەراندنا روسیا بو سنورێن بەریا شەری و لێپرسین دگەل روسیا و ڤەگەراندنا
پەنابەرێن ئوکرانیا.
لدیڤ راپۆرتا ڕوژناما واشنتۆن پۆست، ڤۆڵۆدیمیر زیلینسکی، سەرۆکێ ئوکرانیا،
چار مەرج بۆ دانوستاندنا ئاشتیانە دگەل روسیا
دیارکریە.
ڤۆلۆدیمیر زیلێنسکی، داخازا ڤەگەراندنا سنۆرێن روسیایێ دکەت بو ڕەوشا بەری
داگیرکاریێن روسیا و ڤەگەراندنا پێنج ملیۆن ئاوارێن ئوکرانی بۆ وەڵاتێ وان.
هەروەسا، داخازێ دکەت وەلاتێ وی ببیتە ئەندام ل یەکێتیا ئەورۆپا و لێپرسینێ
ل سەرکردێن سەربازیێن روسیا بکەت.
سەرۆکێ ئوکرانیا دیارژیکر، بجێبەجێکرنا
ڤان مەرجان ئوکرانیا ئامادەیە چەکی دانیت و دانوستاندنا ئاشتیانە دگەل روسیا
دەستپێبکەت.
و دبێژیت ئەز ژ لایەن هاوڵاتیێن ئوکرانیا وەک سەرۆکێ تەمامیا ئوکرانیا
هاتیمە هەلبژارتن نە وەک سەرۆکێ ئوکرانیا
یا بچویک، ئەڤە بۆ من خالەکا گرنگە.
ڤۆلۆدیمیر ئەڤەژی ئاشکراکر، باژێرێ ماریۆپۆل بتەمامی ژ ناڤ چوویە و چ تشتەک
نەمایە بۆ روسیا هەتا ب کەڤیت ژ بلی ئاسنێن وێ.
ئەڤە د دەمەکی دایە، کو ماوێ ٧٢ ڕوژانە روسیا هێش بەردەوامە ژ هێرشان بۆ دەڤەرێن
دۆنباس و ڕۆژئاڤایێ ئوکرانیا زێدەباری هەبوونا ئاگربەستێ دناڤبەرا واندا.