سەرنووچە:

ڤیدیۆ.. بالەفڕڤانەکی بۆ زێدەکرنا هەژمارا فۆلۆوەرێن خۆ ئەڤ کارە ئەنجامدا

PM:11:44:22/04/2022

952 جار خوێندراوەتەوە

+ -

د تۆڕێن جڤاکیدا گرتەیەکا ڤیدیۆیی بەلاڤبوو دناڤدا دەردکەڤیت بالەفڕڤانەک بێ هەبوونا چ ئاریشەیان خۆ د بالەفڕا خۆدا د هاڤێژیتە خار ب مەرەما تێکشکاندنا بالەفڕا خۆ و تۆمارکرنا گرتەیەکا ڤیدیۆیی یا وێ بوویەرێ تا هەژمارا فۆلۆوەرێن خۆ ل یۆتیوبی زێدە بکەت.

رۆژنامەیا نیۆرک تایمزا ئەمریکی بەلاڤکر، ناڤێ وی بالەفڕڤانی "تریفور جاکوب"ە و ژیێ وی ٢٨ سالن.

وی رۆژنامێ، تریفوری ب کەسایەتییەک وەسف کریە کو چ هەستەکێ بەرپرسیارێتیێ نینە دەمەکی بتنێ ب مەرەما تۆمارکرنا گرتەیەکا ڤیدیۆیی خۆ هاڤێتنە خار و تێکشکاندنا بالەفڕا خۆ ئەو سەرکێشیە ئەنجامدایە.

تریفور جاکوب ١٣٣ هزار فۆلۆوەر ل چەنالێ یوتیوبێ خۆ هەنە و د نهادا لسەر وێ بوویەرێ دێ ڤەکۆلین دگەل هێنەکرن.

مەها دەربازبووی، تریفور جاکوب ئەو گرتە ڤیدیۆ ل یوتوبێ خۆ بناڤێ "من بالەفڕا خۆ تێکشکاند" بەلاڤکریە و ملیۆنەک و ٧٠٠ هزار کەسان دیتیە.

تریفور جاکوب گۆتیە ژی، دەمێ هەست ب ئاریشەیەکێ کری د مەکینەیا بالەفڕا خۆدا ب پەڕەشوتێ خۆ هاڤێتیە خار و لسەر دارستانا لۆس بادیسیا نیشتیمانی ل ویلایەتا کالیفۆڕنیا کەفتیە خار.

گەلەری