PM:11:28:13/04/2022
1732 جار خوێندراوەتەوە
+
-
پشتی چەند مەهان ژ سکاڵایا
هۆزان جانێ و لدیڤچوونان لسەر وێ کەسا کو ناڤ و ناڤبانگێ وێ بکارئینای، ئەڤرۆ جانێ
حەیران ئەو ژنا خۆ ب هۆزان جانێ ناساندبوو هاتە دەستەسەرکرن.
لدیڤ زانیاریێن جیهاد
وەیسی نووچەگەهانێ ئین ئاڕ تی، ئەڤرۆ جانێ حەیران ژ ئالیێ هێزێن پۆلیسان ڤە هاتیە
دەستەسەرکرن و بڕیارە سوبەهی بهێتە دادگەهکرن.
هۆزان جانێ د داخویانیەکێدا
بۆ ئێن ئاڕ تی ڕاگەهاند، دڵخۆشە کو پشتی چەندین مەهان ژ بزاڤ و ماندیبوونان ئەڤرۆ
ئەو ژنە هاتە دەستەسەرکرن یاکو چیرۆک و ژیانا وێ دزی و چاڤەڕێیە دادگەهـ وێ
بگەهینیتە سزایێ وێ.
هۆزان جانێ پێشتر د بەرنامەیێ
تاڵ و شیرینێ ئێن ئاڕ تی دوودا ڕاگەهاندبوو،"ب ساناهی ب لێبۆرینەکێ لێ خۆشنابم،
دڤێت ئەو سزایێ ماددی و مەعنەوی بدەت، بهێتە زیندانکرن و ئەو کارێن لسەر دەنگێ من
دروستیکرین هەمی وان پاران بۆ من بزڤڕینیت، دبیژیت ژی ل کوردستانێ بهێتە سزادان و
دادگەهکرن نەک ل ئەڵمانیا".
هەر د بەرنامەیێ تاڵ و
شیرینێ ئێن ئاڕ تی دوودا، دەربارێ وێ چەندێ کو دبیژن جانێ حەیران هندەک کەس ل پشتن
هۆزانێ گۆت "ئەس نابێژم کەسەک یان پارتەک ل پشت وێیە لێ دەزانم ب تنێ نینە و
کەسەک ل پشت وێ هەیە، بۆ وێ ژی دڤێت دادوەر لێ بپرسیت کی پشتەڤانیا وێ دکەت؟".
د درێژاهیا ئاخفتنێن
خۆدا وێ خانما هونەرمەند گۆت "دوژمنا دەستەسەرکرم و پرچا من ڕاکێشا و ئەس گەلەک ئێشاندم، سەرێ من هەر بڵند بوو ژبەرکو ئەو
دوژمن بوون، لێ ناگەهیتە وێ ئێشا ڤێ کچێ لهەمبەری من کری".
هۆزان جانێ ئێکە ژ
هونه‌رمه‌ندێن دیارێن کورد، ل سالا ١٩٧١ ل باكورێ كوردستانێ ژ دایكبوویه، لسه‌ر
ئاستێ ناڤده‌وڵه‌تى چه‌ند جاران خه‌ڵات وه‌رگرتینه و هه‌ڵگرا ڕه‌گه‌زنامه‌یا ئه‌ڵمانییه.