سەرنووچە:

کونسولێ ئەمریکا د سەرەدانەکێدا بۆ ئێن ئاڕ تی: ئەمریکا دلگرانە ژ گوهلێبوونا نووچەیێن چاڤسورکرنێ و بێدەنگکرن و سانسورکرنێ لسەر میدیایێ

PM:11:38:24/01/2022

584 جار خوێندراوەتەوە

+ -

شاندەکێ کونسولخانەیا ئەمریکا ل هەرێما کوردستانێ سەرەدانا نڤیسینگەها کەنالێ ئێن ئاڕ تی کر ل باژێرێ هەولێرێ و دگەل بەرپرسێن بلندێن کەنالی جڤیان.

شاندەکێ کونسولخانەیێ پێکهاتبوون ژ ڕۆبەرت پالەدینۆ، کونسولێ گشتیێ ئەمەریکا لە هەرێما کوردستانێ و جینە کەبرێرەر سەرۆکێ پشکا کاروبارێن گشتیێن کونسولخانەیێ.

پشتی جڤینێ دگەل بەرپرسێن بلندێن ئێن ئاڕ تی، کونسولێ ئەمریکا د داخۆیانیەکا تایبەتدا بەحسا وێیەکێ کر، "جهێ خۆشحالیێیە ئەڤرۆ ل ئێن ئاڕ تیمە بۆ دیتنا هەڤالێن دێرین ل ئێن ئاڕ تی و بۆ زێدەتر ژ ئاشنابوونێ ب پرۆگرامێن وان کو ل ڤێرێ ل هەرێما کوردستانێ ئەنجامددەن".

ل پشکەکا دیا ئاخفتنێن خۆدا کونسولێ ئەمریکا ئاماژە ب وێ یەکێ کر، "ویلایەتێن هەڤگرتیێن ئەمریکا دلگرانن دەربارەی بنپێکاریێن دژی ئازادیا ڕاگەهاندنێ و ئەڤە بابەتەکە کو ویلایەتێن هەڤگرتیێن ئەمریکا دێ بەردەوامبن ژ چاڤدێریکرنێ گەلەک ب نێزیکی".

کونسولێ ئەمریکا دیارکر، "کو ویلایەتێن هەڤگرتیێن ئەمریکا باوەری ب ئازادیا ڕاگەهاندن و ڕادەربرینێ هەیە و گەلەک دلگرانە ژ گوهلێبوونا نووچەیێن چاڤسورکرنێ و بێدەنگکرن و سانسورکرنێ لسەر میدیایێ".

گەلەری