PM:10:05:24/01/2022
720 جار خوێندراوەتەوە
+
-
ئەڤرۆ دووشەمبی، دەستەیا دەستپاقژیا فیدرالی ئەشکەراکر، "چەند حالەتێن یاریکرن و سەختەکاری ل فەرمانگەها ساخلەمیا پارێزگەها ئەنبار ئەشکەرابوو، کو بوویە سەدەمێ ب هەروەدانا زێدەتر ژ دوو ملیار دیناران".
فەرمانگەها ڤەکۆلینێ ل دەستەیا دەسپاقژیا عێراقێ ڕاگەهاندنەک بەلاڤکر، "ئەنجامێن گەڕیان و پشکنینا تیمێن ڤەکۆلینێ دەست بسەر ١٥ پسۆلەیاندا گرتیە، کو یاریکرن و سەختەکاری تێدا هاتیە سەلماندن".
تێدا هاتیە ژی، "ئەو چەکێن وانا دەست بسەردا گرتین، کوژمەکێ زێدە یێ پارەی ئێخستیە سە ل (مستند)یا کڕین و فرۆتنێ، کۆما وان پارەیێن هاتینە زێدەکرن و ب هەروە چووین ژ ئەنجامێن سەختەکاریێ هاتینە دانان، بریتینە ژ دوو ملیار و نەهـ ملیۆن دیناران".
دیارکر ژی، "کۆنڤیسا یاسایی بۆ وێ کەیسێ هاتیە کۆمکرن و ئێخستیە بەر دەستێ دادوەرێ تایبەتمەند، دادوەری ژی لدویف ماددێ ٣١٦ ژ یاسایا سزادانا عێراقێ بڕیاردایە فەرمانا دەستەسەرکرنێ و گەڕیان و پشکنین بۆ رێڤەبەرێ ژمێریاری و ژمێریارێ مەزاختنێ ل فەرمانگەها ساخلەمیا ئەنبار دەربکەت.".