PM:07:05:24/01/2022
4660 جار خوێندراوەتەوە
+
-
هێدی باژۆ ئەو
سترانەیە یاکو گەلەک د تۆڕێن جڤاکی دا بەلاڤبووی و وەک ڕێنمایی بۆ لسەرخۆ چوونێ
هاتیە بکارئینان، بێی کو بکارئینەران چ زانیاریەک لسەر دیرۆک و هەبوون و مەرەما وێ
هەبیت.
هێدی باژۆ
سترانکا فلکلوریا کوردیە و چیرۆکا فەرمان و کارەساتەکا بەریا زێدەتری ١٠٠ سالان ڤەدگێریت
کو ژ ئالیێ عوسمانیان ڤە بسەر کوردان و ئێزدیان دا ئیناینە و ب ئێک ژ وان فەرمانان
دهێتە دانان کو بسەر جڤاکا ئێزدی دا هاتینە.
بۆ ئێکمەجار
برویێ شەرقی چیرۆکا وێ ڤەگێرایە و دویڤدا (بێمالێ کەکۆ ) ل رادیوا ئێریڤانێ وەک
ستران تۆمارکریە، پشترا چەندین دەنگبێژێن دی گوتیە و گوتنا کو گەلەک بەلاڤبووی ژی
لسەر زارێ ئەلیاس نەدیرە کو زێدە د ناڤ خەلکی دا هاتیە گوهلێبوون بکارئینان.
ل سالێن ١٩٢٠
بۆ ١٩٢٥ ب تایبەت ژی ل سالا ١٩٢٢ ئارتێشا عوسمانیان نێزیکی ٦٠ گوندێن ئێزدیان کاڤلکرن
و فەرمان تێدا کرنە و چەندین کەسایەتیێن ئێزدی و کوردێن باکورێ کوردستانێ ژی کو وەک
بەرخۆدەر و مێرخاس ناڤێ وان هاتیە تۆمارکرن بووینە قوربانی و ئەڤ بوویەرە ب چیرۆکا
داستانا "تلحەنێ" هاتیە بناڤکرن.
هێدی باژۆ ژی
دەربڕین بوویە ژ شینی و گری و دەردەسەریا بسەرێ کوردان و ئێزدیان دا هاتی ل وی سەردەمی
و هونەرمەندان ب ستران ئەڤ ئێش و ئازارە وەک دیرۆک ب ساخی هێلایە.