PM:01:05:24/01/2022
1128 جار خوێندراوەتەوە
+
-
وەزارەتا خاندنا بلند و ڤەکۆلینێن زانستیا
هەرێمێ ڕاگەهاند، ژ بەرواری ١ی ٢ی ٢٠٢٢ێ و دیڤدا ئەگەر د دەمێ سەرەدانێ دا بۆ
وەزارەتێ کارتا وەرگرتنا ڤاکسینێ دگەل وەلاتیان نەبیت رێک پێناهێتە دان سەرەدانا
وەزارەتێ بکەن بۆ رێڤەبرنا مامەلەیێن وان.
ئەڤرۆ دووشەمبێ، وەزارەتا خاندنا بلند و
ڤەکۆلینێن زانستی ڕاگەهاندنەک بەلاڤکر و تێدا هاتیە، ژ بەرواری ١ی ٢ی ٢٠٢٢ێ و
دیڤدا پێتڤیە کارتا وەرگرتنا ڤاکسینێ دگەل وەلاتیان بیت، بەروڤاژی رێک ب وان
ناهێتەدان سەرەدانا وەزارەتێ بکەن بۆ برێڤەبرنا مامەلەیێن وان.
ئاماژە ب وێیەکێ ژی کریە، حکومەتا هەرێمێ د
گشتاندنەکێ دا ب ژمارە ١٣٨٨ ل بەرواری ٢٣ی ١ی ٢٠٢٢ێ چەند بڕیارەک بۆ پاراستنا سەلامەتیا گیانێ وەلاتیان و
فەرمانبەران و مامۆستایان ل دامودەزگەهێن وەزارەتا خاندنا بلند و ڤەکۆلینێن زانستی
دەرخست، ل گۆرەی بڕیارێن حکومەتا هەرێمێ:
ئێک: ئەو فەرمانبەرێن دیوانا وەزارەتێ کو
ڤاکسینا دژی کۆرۆنایێ وەرگرتینە، پێتڤیە هەیا رۆژا پێنجشەمبێ بەرواری ٢٧ی ١ی ٢٠٢٢ێ
وێنەیەکێ ژ ناسنامە یان ژی کارتا وەرگرتنا ڤاکسینا دژی کۆرۆنایێ، بۆ دەزگەهێ
سەرپەرشتی و دلنیایا جۆری/ رێڤەبەریا ساخلەمی و سەلامەتیێ ل دیوانا وەزارەتێ
بشینن.
دوو: ئەو فەرامبەرێن دیوانا وەزارەتێ ڤاکسینا
دژی کۆرۆنایێ وەرنەگرتینە، بێی پشکنینا کۆرۆنایێ کو ٤٨ دەمژمێر دسەردا دەربازنەببن،
رێک پێ ناهێتەدان بهێتەدەوامێ و ل رۆژا دەرچوونا ئەڤێ نڤێسارێ ب نەهاتی دێ هێتە
هەژمارتن.
سێ: پشتی بەرواری ١ی ٢ی ٢٠٢٢ێ و دیڤدا رێک ب
چ کەسان ناهێتەدان سەرەدانا وەزارەتا خاندنا بلند و ڤەکۆلینێن زانستی بکەتن بێی
هەبوونا کارتا ڤاکسینێ یان ژی ئەنجامدانا پشکنینا کۆرۆنایێ کو ٤٨ دەمژمێر بسەردا دەربازنابن.
ل داویا ڕاگەهاندنا وەزارەتا خاندنا بلند
هاتیە، ژ ئالیێ تیما رێڤەبەریا ساخلەمی و سەلامەتیێ ل وەزارەتا خاندنا بلند و
ڤەکۆلینێن زانستی ڕاستاندن بۆ بەلگەنامەیا وان هێتەکرن ئەگەر ڤاکسین وەرنەرگرتبیت
رێک پێ ناهێتەدان بهێنە دناڤ دیوانا وەزارەتێ دا.
ئەڤە ژی ددەمەکێ دایە، د دەمێ دەربازبووی دا
وەزارەتا پێشمەرگەیێ هەرێمێ د ئاگەهاداریەکێ دا ئاشکراکر، پشتی ٢٠ی ١ی ٢٠٢٢ێ هەر
پێشمەرگەیەکێ ڤاکسینێ وەرنەگریت لێپرسینا یاسای دێ دگەل دا هێتەکرن و مووچەیێ وی
دێ هێتە ڕاگرتن.