PM:08:47:17/01/2022
816 جار خوێندراوەتەوە
+
-
ژبەر بەفر بارینێ و داکەتنا پلەیێن گەرمێ هند
جادەیێن سەرەکی هاتنە داخستن و جەمەدگرتی بووینە و ب وێ سەدەمێ ژی ئێڤاریا ئەڤرۆ ل
پارێزگەهێن دهۆک و سلێمانێ بسەدەما هەژمارەک بوویەرێن ترافیکی دوو کەسان ژیانا خۆ
ژدەستدایە و ١٠ کەسێن دی ژی برینداربووینە.
سامان نادر رێڤەبەرێ سەنتەرێ هەوارهاتنا
سلێمانیێ بۆ ئێن ئاڕ تی ڕاگەهاند، درەنگیا ئێڤاریا ئەڤرۆ دوو تڕۆمبێلان ل سەر ڕێکا
سلێمانی دوکان لێکدایە و ب وێ سەدەمێ ژی دوو کەسان ژیانا خۆ ژدەستدایە و دوویێن دی
ژی برینداربوون.
هەڤدەم، پەیڤدارێ ترافیکا دهۆکێ د پەرەیێ
خۆیێ فەیسبووکێ دا ڕاگەهاند، ئێڤاریا ئەڤرۆ سێ بوویەرێن جودا ل سنورێ پارێزگەها
وان ڕوودایە و ب وێ سەدەمێ ژی حەفت کەس برینداربووینە.
دەبارەی هاتن و چوونا شۆفێران ژی، هاتن و
چوونێن سلێمانی و دهۆکێ هۆشداریێ ددەنە وەلاتیان کو ئەگەر بۆ کارەکێ فەر نەبیت
تڕۆمبێلان بکار نەئینن و هاتن و چوونێ نەکەن، ژبەرکو پڕانیا جادەیان
جەمەتگرتیبووینە و مەترسیداربووینە.
دەما دوو ڕۆژانە پێلەکا بەفر و بارانێ هەرێما
کوردستانێ ڤەگرتیە و ل پرانیا دەڤەران ژی بەفر باریە و پلەیێن گەرمێ ژی ب ڕەنگەکێ
بەرچاڤ داکەفتنە.