PM:07:26:02/01/2022
1144 جار خوێندراوەتەوە
+
-
وەزیرێ پەروەردە و خواندنا بلندا کوەیتێ
ڕاگەهاند، بسەدەما خرابیا سەقای و بارینا بارانەکا بهێز ل وەلاتێ وان، خواندن هاتە
ڕاوەستاندن و ئەزموون ژی هاتن پاشخستن.
عەلی ئەلموزیف وەزیرێ پەروەردە و خواندنا
بلندا کویتێ ڕاگەهاند، دەواما فەرمیا قوتابخانەیێن حکومی و نەحکومی بسەدەما
تێکچوون و خرابیا ڕەوشا سەقای هاتە ڕاگرتن و ئەزموون ژی هاتن پاشخستن کو بڕیاربوو
رۆژا دووشەمبی بهێنە ئەنجامدان.
ئاماژە ب وێیەکێ ژیکر، دەواما فەرمی ل
زانکۆیا کوەیت و هەمی زانکۆیێن نەحکومی ژی دهێتە ڕاگرتن.
دبێژیت ژی، لێ دەستیا رێڤەبەریا قوتابخانە و
زانکۆیان دڤێت دەواما خۆیا فەرمی بکەن، هەیا کو دووبارە بەرنامە بۆ بهێتە دارشتن
بۆ دیارکرنا دەمێ ئەزموونان.
ئەڤەژی د دەمەکێ دایە، ماوەیەکە گوهۆرین بسەر
سەقایێ بەشەک ژ وەلاتێن جیهانێ دا هاتیە و بەشەک ژ وان دەڤەرێن ب سروشتێ خۆ گەرمن،
پێلا سەرما و بارانێ بسەردا چوویە، بۆ دەمێ چەند رۆژانە ژی پێلەکا سەرمایێ بەرەڤ
سعودیە چوویە و دوهی چیایێ لەوزی ل دەڤەرا تەبووک بسەدەما بارینا بەفرێ ب تەمامی
سپی بوویە و ئەو ژی بوویە جهێ سەرنجا خەلکی.