PM:04:51:02/01/2022
772 جار خوێندراوەتەوە
+
-
ژبەر بارینا رێژەیەکا بارانێ ل سنورێ زاخۆ
جوتیاران دەست ب کارێ چاندێ کر، رێڤەبەریا چاندنێ ژی ڕاگەهاند، سنورێ زاخۆ پێتڤی ب
١٨٠ تۆنێن گەنمی یە وهەیا نها ٧٠ تۆن بسەر جۆتیاران دا هاتینە پارڤەکرینە.
رێڤەبەریا چاندنا ئیدارا سەربەخۆیا زاخۆ
ڕاگەهاند، ژبەر بارینا رێژەیەکا بارنێ و پێشبینیێن هاتنا پێلەکا دی ژی جوتیارێن وی
سنوری دەست ب کارێ چاندنێ کرینە و ئەوان ژی هەیا نها ٧٠ تۆنێن گەنمی و چەندین
کەولەپەلێن دی یێن پێتڤی بۆ کارێ چاندنێ بسەر واندا پارڤەکرینە.
ئاماژە ب وێیەکێ ژی کریە، سنورێ زاخۆ ژبوی
چاندنێ پێتڤی ب ١٨٠ تۆنێن گەنمی یە و هەیا نها ١٨ جوتیار ژ وێ رێژەیێ مفادار
بووینە و ئەو بەردەوامن لسەر پارڤەکرنێ بسەر هەمی جوتیارێن دی ژی.
دیارژیکر، هەر دگەل وان کەلوپەلێن پێتڤی ١٦
تۆنێن ئالفێ گیانەوەران ژی بسەر خۆدانێن ئاژەلی دا پارڤەکرینە، هەڤدەم گوتیەژی، ١٥
خانیێن پلاستیکی داینە جوتیاران.
ئەڤە د دەمەکێ دایە، سالانە جوتیار دەربارەی
هاریکاریێن ئالیێن پەیوەندیدار گلە و گازندەیان دکەن و دبێژن هاریکاریا وان
ناهێتەکرن، هەڤدەم، بۆ ئەڤ سالە ژی هێشتا مەترسیا هشکەسالیێ ب داوی نەهاتیە لێ
جوتیاران دەست بکارێ خۆکریە.
وەحید سندی، زاخۆ