PM:11:31:07/12/2021
1000 جار خوێندراوەتەوە
+
-
حکومەتا ئیماراتا عەرەبیا هەڤگرتی ڕاگەهاند، بهێنڤەدانا داویا حەفتیێ یا
وەلاتیان و فەرمانبەران ل رۆژا ئەینی بۆ رۆژێن شەمبی و ئێکشەمبی دگوهۆریت، دبێژیت ژی، "ل ئێکەم رۆژا سالا داهاتی بڕیار دێ چیتە دبیاڤێ
جێبەجێکرنێ دا".
ئەڤرۆ سێشەمبی، نڤیسینگەها میدیاییا حکومەتا ئیماراتێ د تویتەرێ فەرمی یێ
حکومەتێ دا بەلاڤکریە، رۆژان بهێنڤەدانا داویا حەفتیێ ل هەمی ئیماراتێ ل رۆژا
ئەینی بۆ رۆژێن شەمبی و ئێکشەمبی دگوهۆریت.
دیار ژی کریە، ئارمانج ژ بڕیارێ بۆ زێدەکرنا ئاستێ بەرهەمێ کار و بەرەڤ
پێشڤەچوونا هەڤسەنگیا کارکرنێ بۆ هەمی ئەوێن د سیکتەرێن گشتی و تایبەت دا کاردکەن.
نڤیسینگەها میدیایا حکومەتا ئیماراتێ بەحسا وێیەکێ ژی کریە، گوهۆرین ل رۆژا
١ی کانونا دووێ ٢٠٢٢ێ دێ چیتە دبیاڤێ جێبەجێکرنێ دا و هەمی دامەزراوەیێن حکومەتێ
رێنمایێن پێتڤی د وێ دەربارەیێ دا
پێدگەهن.
ئەو ژی هاتیە، دەمژمێرێن کارکرنێ د رۆژێن ئەینی دا، ژ دەمژمێر حەفت و ٣٠
خولەکێن سپێدێ هەیا دەمژمێر ١٢ی شەڤێ درێژدبیت، هەڤدەم، رۆژێن کارکرنا حەفتیێ ژی ل
رۆژا دووشەمبێ بۆ پێنجشەمبێ دەستپێدکەت و ژ دەمژمێر حەفت و ٣٠ خولەک دەستپێدکەت
هەیا دەمژمێر سێ و ٣٠ خۆلەکێن پشتی نیڤرۆ دێ درێژبیت.