PM:06:57:07/12/2021
1548 جار خوێندراوەتەوە
+
-
وەزارەتا کارەبا عێراقێ ڕاگەهاند، مە پێتڤی ب ٢٠ ملیار دۆلاران هەیە بۆ
جێبەجێکرنا وێ پلانا پێنج سالیا هاتیە دانان ب ئارمانجا وێیەکێ بەرهەمئینانا
کارەبێ بگەهیتە ٥٤ هزار مێگاواتان.
ئەڤرۆ سێشەمبێ، ئەحمەد عەبادی پەیڤدارێ وەزارەتا کارەبا عێراقێ د
داخۆیانیەکا رۆژنامەڤانی دا ئاماژە ب وێیەکێ کر، ب جێبەجێکرنا وێ پلانا پێنج سالی
کو ب ئارمانجا وێیەکێ بەرهەمئینانا کارەبێ بگەهیتە ٥٤ هزار مێگاواتان، ئاریشەیا
کارەبێ ل عێراقێ ب ئێک جاری چارەسەر بیت.
بەحسا وێیەکێ ژی کر، "ئەگەرپشتەڤانیا دارایی بۆ مە بهێتە دابینکرن، وی دەمی ئاستێ بەرهەمئینانا کارەبێ
بۆ هاڤینا داهاتی، دێ گەهیننە ٢٨ هزار مێگاواتان".
بەریا نها وەزیرێ کارەبا عێراقێ ڕاگەهاندبوو، پلانەکا پێنج سالی ب ئارمانجا
وێیەکێ ٥٤ هزار مێگاواتێن دی یێن کارەبێ بەرهەمبینیت داناینە، ئەو ژی د کەڤانێ
بەگەرخستنا ژمایەکا ویستگەهێن بەرهەمئینانا کارەبێ ب مەرەما داوئینان ب قەیرانا
کارەبێ.
ئەڤ داخویانیا پەیڤدارێ وەزارەتا کارەبا عێراقێ د دەمەکێ دایە، د دەمێ
دەربازبووی دا، مستەفا کازمی سەرۆکوەزیرێن عێراقێ ڕاگەهاند، "د دەمێ ٢٠سالێن
دەربازبووی دا کۆژمێ زێدەتر ژ ٢٠ ملیار دۆلاران د سیکتەرێ کارەبا عێراقێ دا
مەزاختینە و هەیا نها ژی رێژا پێتڤیا کارەبا نشمیانی بۆ وەلاتیێن عێراقێ نەهاتیە
دابینکرن".