AM:09:47:07/12/2021
5800 جار خوێندراوەتەوە
+
-
ژێدەرەکی ژ وەزارەتا
دارایی بۆ ئێن ئاڕ تی ڕاگەهاند، بڕیاربوو ئەڤرۆ مووچەیێ دەزگەهێ گشتیێ ئاسایشێ و
خودان پێتڤیێن تایبەت بهێتە پارڤەکرن، لێ بتنێ مووچێ
دەزگەهێ ئاسایشێ دێ هێتە پارڤەکرن، "سوبەهی خودان پیتڤیێن تایبەت دێ مووچەی
وەرگرن".
ئەڤرۆ سێشەمبی، ژێدەرەکی ژ وەزارەتا دارایی
بۆ ئین ئاڕ تی ڕاگەهاند، ئەڤرۆ بڕیاربوو مووچەیێ دەزگەهێ گشتیێ ئاسایشێ و خودان پێتڤیێن تایبەت بهێتە پارڤەکرن، لێ
بتنێ مووچێ دەزگەهێ ئاسایشێ دێ هێتە پارڤەکرن، "سوبەهی خودان پیتڤیێن تایبەت
دێ مووچەی وەرگرین".
دوهی دووشەمبی، ژێدەرەکی
ژ وەزارەتا دارایی بۆ ئین ئاڕ تی ڕاگەهاند،
سوبەهی مووچەیێ دەزگەهێ گشتیێ ئاسایشێ و خودان پێتڤیێن تایبەت دێ هێتە پارڤەکرن.
ڕۆژا ٢٥ ێ مەهێ وەزارەتا
ساخلەمیێ وەکی ئێکەم وەزارەت، مووچەیێ مەها تشرینا دوویێ ب هەمان میکانیزما بەرێ و
بێ لێبڕین وەرگرت و هەیا نها ئەو پڕۆسە بەردەوامە، لێ ب سستی بڕێڤە دچیت.
د مەها تەمموزێدا،
هنارتنا ٢٠٠ ملیار دیناران بۆ هەرێمێ، ژ ئالیێ مستەفا کازمی سەرۆکوەزیرێن عێراقێ بڕیار
لسەر هاتە دان، کو وەک سولفەیەکا مەهانە بۆ هەرێمێ بهنێریت و وەک مووچە ب هەڤئاوایێ
داهاتێن وەزارەتا دارایی بسەر مووچەخۆراندا بهێتە پارڤەکرن.
ئەڤە ژی ددەمەکیدایە،
داهاتێ پەتڕۆلا فرۆتی ب بۆریان ترلیۆنەک و ٢٠٠ ملیار دینارن و کۆما داهاتێ ناڤخۆژی
زێدەترە ژ ٥٠٠ ملیار دیناران دگەل هەڤکاریێن مەهانە یێن هەڤپەیمانان ٢٨ ملیار دینارن،
لێ چاڤێ حکومەتێ بۆ پارڤەکرنا مووچەی ل ٢٠٠ ملیارێن بەغدایە.