PM:03:14:06/12/2021
1540 جار خوێندراوەتەوە
+
-
شانەیا ڕاگەهاندنا ئەمنیا عێراقێ ڕاگەهاند، گوندێ لهێبا د نهادا پاراستیە و چەکدارێن داعش چ خانیەکێ گوندی ژی نە شەوتاندیە.
ئەڤرۆ دووشەمبی، شانەیا ڕاگەهاندنا ئەمنیا عێراقێ ڕاگەهاندنەک بەلاڤکر و تێدا هاتیە، هێزێن ئەولەکاری و هەفکارێن وانا د نهادا کاردکەن بۆ ڤەگەڕاندنا ئاکنجیێن گوندی بۆ سەر مال و حالێ وان.
ئاماژە ب وێیەکێ کر، بەریا نها گەف لسەر وی گوندی هەبوون ژ ئالیێ چەکدارێن داعش ڤە.
د ڕاگەهاندنێ دا هاتیە، د نهادا گوند ب تەمامی پاراستیە ژ ئالیێ هێزێن فرقەیا چاردەیا ئارتێشا عێراقێ و هێزێن میحوەرێ پێنج یێن هێزێن پێشمەرگەی.
ئەڤە ددەمەکیدایە، ٤ی ڤێ مەهێ، چەکدارێن داعش هێرش کریە سەر گوندێ لهێبا ل ناحیا سەرگەران یا سەر ب پارێزگەها کەرکوکێ ڤە و شەڕ و بەرهنگاری دناڤبەرا وەلاتیێن گوندی و چەکدارێن داعش روویدا.
شەڤا ٢ی ڤێ مەهێ ژی، چەکدارێن داعش هێرشکریە سەر گوندێ خدرجیجە ل بنارێ قەرەچوغ، د ئەنجامدا ١٣ پشمەرگە و وەلاتی شەهیدبوون و چەند کەسێن دی برینداربوو.