PM:01:27:06/12/2021
4876 جار خوێندراوەتەوە
+
-
پارڤەکرنا مووچەی
بەردەوامە و پڕۆسە ب سستی بڕێڤە دچیت، دوێ کڤانێ ژی دا سوبەهی مووچەیێ دوو جهان دێ
هێتە پارڤەکرن.
ژێدەرەکی ژ وەزارەتا
دارایی بۆ ئێن ئاڕ تی ڕاگەهاند، سوبەهی مووچەیێ دەزگەهێ گشتیێ ئاسایشێ و خودان
پێتڤیێن تایبەت دێ هێتە پارڤەکرن.
ڕۆژا ٢٥ ێ مەهێ
وەزارەتا ساخلەمیێ وەکی ئێکەم وەزارەت، مووچەیێ مەها تشرینا دوویێ ب هەمان
میکانیزما بەرێ و بێ لێبڕین وەرگرت و هەیا نها ئەو پڕۆسە بەردەوامە، لێ ب سستی
بڕێڤە دچیت.
د مەها تەمموزێدا،
هنارتنا ٢٠٠ ملیار دیناران بۆ هەرێمێ، ژ ئالیێ مستەفا کازمی سەرۆکوەزیرێن عێراقێ بڕیار
لسەر هاتە دان، کو وەک سولفەیەکا مەهانە بۆ هەرێمێ بهنێریت و وەک مووچە ب هەڤئاوایێ
داهاتێن وەزارەتا دارایی بسەر مووچەخۆراندا بهێتە پارڤەکرن.
ئەڤە ژی ددەمەکیدایە،
داهاتێ پەتڕۆلا فرۆتی ب بۆریان ترلیۆنەک و ٢٠٠ ملیار دینارن و کۆما داهاتێ ناڤخۆژی
زێدەترە ژ ٥٠٠ ملیار دیناران دگەل هەڤکاریێن مەهانە یێن هەڤپەیمانان ٢٨ ملیار دینارن،
لێ چاڤێ حکومەتێ بۆ پارڤەکرنا مووچەی ل ٢٠٠ ملیارێن بەغدایە.