AM:11:45:06/12/2021
812 جار خوێندراوەتەوە
+
-
ل شەڤا دەربازبووی ل تاخێ شەعبانیکێ ترۆمبێلەکا ئەمبۆلانس توشی بوویەرەکا هاتن و چوونێ بوو ژ جورێ لێکدان و ب وی سەدەمی کەسەک برینداربوو.
ئازا تاها پەیڤدارێ هاتن و چوونا پارێزگەها دهۆکێ ڕاگەهاند، دوهی ب شەڤ ل دەمژمێر (٢:٠٠) شەڤ ل ناڤ سەنتەرێ پاژێرێ زاخو، ل جاددا شەعبانیکێ نێزیکی بلان بازار دوو ترومبێلا لێکدان ژ جورێ (تویوتا تایبەت کامری دگەل ترومبێلەکا تویوتا ئەمبولانس).
ئاماژە ب وێیەکێ ژی کریە، پشتی وێیەکێ ترومبێلا تویوتا کامری یا تایبەت ژ کونترۆلا شوفێری دەرکەفت خۆ ل ستینەکا کارەبێ دا دئەنجامدا کەسەک بریندار بوو و زیانێن ماددی ب ترومبێلان کەفتن و ستینا کارەبێ هاتە هەلوەشاندن.
ئەڤە ددەمەکیدایە، بوویەرێن هاتن و چوونێ ئێکن ژ سەدەمێن ژیان ژ دەستدانێ ل جیهانێ و هەرێما کوردستانێ، بەرپرسێن هاتن و چوونێ بەردەوام هوشیارییان بەلاڤدکەن کو پێگیریێ ب رێنمایێن هاتن و چوونێ بهێتە کرن داکو دوویربن ژ بوویەرێن هاتن و چوونێ، وەلاتی ژی پتریا جاران سەدەمان بوو خرابیا رێک و بانان ڤەدگەڕینن.