AM:10:48:06/12/2021
1668 جار خوێندراوەتەوە
+
-
پشتی کو شەڤا دەربازبووی ل پردێ داعش هێرشکریە سەر هێزێن پێشمەرگەی و شەڕ و بەرهنگاری روویدان و چەند پێشمەرگە شەهیدبوون، د نهادا هژمارەیا بۆ چار پێشمەرگەی بلندبوو.
شەڤا دەربازبووی، چەکدارێن داعش ل کەلا قەرەسالم پردێ پارێزگەها کەرکوکێ هێرشکریە سەر سەنگەرەکێ هێزێن پیشمەرگەی و هێرش بۆ سەر فەوجا ٣ی لیوایا ١٢٦ی هێزێن پێشمەرگەی.
لدویف زانیاریێن نووچەگەهانێ ئێن ئاڕ تی، ل دەمێ شەڕی دەملدەست سێ پێشمەرگە شەهیدبوون، لێ د نهادا هژمارا وانا بۆ چار شەهیدان بلندبوون.
د شەڤا ٢٧ی مەها دەربازبووی ژی، ل ناحیا کولەجۆیا گەرمیان داعش هێرشکرە سەر سەنگەرێن پێشمەرگەی و د دەمەکێ دا هەڤکاری بۆ هێزێن پێشمەرگەی چوبوو بۆمبەکا چاندی ب ترۆمبێلا پێشمەرگەی ڤە تەقیا و پێنج پێشمەرگە شەهیدبوون و چارێن دی ژی برینداربوون.
ل ٢٩ی مەها دەربازبووی ژی دا، ل سنورێ کفری ژ ئالیێ چەکدارێن داعش ڤە هێرشی سەر هێزێن پێشمەرگەی هاتەکرن و د ئەنجامدا دوو پێشمەرگەی شەهیدبوون و سێ پێشمەرگەیێن دی ژی برینداربوون.