PM:11:16:05/12/2021
1752 جار خوێندراوەتەوە
+
-
لسنورێ کەرکوکێ ئەڤ شەڤە جارەکا دی داعش
هێرشکریە سەر هێزێن پێشمەرگەی و دنهادا شەڕ بەردەوامە، لگۆرەی زانیاریێن نووچەگەهانێ ئێن ئار تی ژی، شەهید و بریندار هەنە.
دیار محەمەد نووچەگەهانێ ئێن ئاڕ تی
ڕاگەهاند، چەکدارێن داعش لسەر کەلی قەرەسالم هێرشکریە سەر چەپەرێن هێزێن پێشمەرگەی
و دنهادا شەڕ بەردەوامە.
لگۆرەی زانیاریێن نووچەگەهانێ ئێن ئاڕ تی، د
ئەنجامێ پەلامارا چەکدارێن داعشێ دا ئەڤ شەڤە سێ پێشمەرگە شەهیدبوون و پێنج
پێشمەرگەیێن دی ژی برینداربووینە.
ئاماژە ب وێیەکێ ژی کر، چەکدارێن
داعش هێرشکریە سەر فەوجا ٣ێ یا لیوایا ١٢٦یا هێزێن پێشمەرگەی.
ئەڤە ژی د دەمەکێ دایە، شەڤا ٢ی ڤێ مەهێ، چەکدارێن داعش
هێرشکرنە سەر گوندێ خدرجیجە ل بنارا قەرەچۆغ، د ئەنجامدا ١٣ پێشمەرگە و وەلاتی
شەهیدبوون و چەند کەسێن دی ژی برینداربوون.
ئەڤ شەڤە ژی، گرۆپێن چەکدارێن داعش دەمێ هێرشکرنا سەر
گوندێ خدرجیجە کو دکەڤیتە بنارێ چیایێ قەرەچوغ بەلاڤکر و د ڕاگەهاندنەکێ ژی دا،
"بەرپرسیارەتیا خۆ لسەر ئەنجامدان و پەلامارێ ڕاگەهاند".
د شەڤا ٢٧ی مەها دەربازبووی ژی، ل ناحیا کولەجۆیا گەرمیان
داعش هێرشکرە سەر سەنگەرێن پێشمەرگەی و د دەمەکێ دا هەڤکاری بۆ هێزێن پێشمەرگەی
چوبوو بۆمبەکا چاندی ب ترۆمبێلا پێشمەرگەی ڤە تەقیا و پێنج پێشمەرگە شەهیدبوون و
چارێن دی ژی برینداربوون.
ل ٢٩ی مەها دەربازبووی ژی دا، ل سنورێ کفری ژ ئالیێ
چەکدارێن داعش ڤە هێرشی سەر هێزێن پێشمەرگەی هاتەکرن و د ئەنجامدا دوو پێشمەرگەی
شەهیدبوون و سێ پێشمەرگەیێن دی ژی برینداربوون.