سەرنووچە:

ئێن ئاڕ تی سەدەمێ سستیا پارڤەکرنا مووچێ تشرینا دوویێ ئاشکەرادکەت

PM:12:11:05/12/2021

2112 جار خوێندراوەتەوە

+ -

ژێدەرەکی ژ وەزارەتا دارایی بۆ ئێن ئاڕ تی ڕاگەهاند، ئەڤرۆ ئێکشەمبێ دێ وەکی تەمامکاریا مووچێ وەزارەتا پەروەردێ بیت و سەدەمێ سستیا پارڤەکرنا مەچەی ژی زڤراند بۆ ناکۆکیێن دناڤبەرا پارتی و یەکێتی دا و دەست بسەرداگرتنا داهاتێ حکومەتێ ژئالیێ وانڤە.

ژێدەرەکی ژ وەزارەتا دارایی بۆ ئێن ئاڕ تی ڕاگەهاند، ئەڤرۆ ئێکشەمبێ دێ وەکی تەمامکاریا رۆژا پێنجشەمبیێ پارڤەکرنا مووچێ وەزارەتا پەروەردێ بیت و سوبەهی ژی ڕۆژا دووشەمبی مووچێ جڤاتا ئاساییشێ دێ هێتە پارڤەکرن.

دەربارێ سەدەمێ سستیا پارڤەکرنا مەچەی ژی زڤراند بۆ ناکۆکیێن دناڤبەرا پارتی و یەکێتی دا و دەست بسەرداگرتنا داهاتێ حکومەتێ ژئالیێ وانڤە.

"ئەگەرداهات د دەمێ خۆدا بزڤڕن بۆ وەزارەتا دارایی دکارن د دەمێ خۆدا و بێ لێبڕین مووچەی پارڤەبکەن"

وی ژێدەرێ ئێن ئاڕ تی ئەو یەکژی دا دیارکرن، "ئەو ٢٠٠ ملیار پشتەڤانیەکا داراییا باشە لێ نا بیت هەمی پشتەڤانیا مە لسەر وێ چەندێ بیت ژبەرکو نەدیارە حکومەتا داهاتی دێ بوێ ڕێکەفتنێ ڕازیبیت یان ژی نە".

ڕۆژا چارشەمبیا دەربازبووی جوتیار عادل پەیڤدارێ حکومەتا هەرێما کوردستانێ د کۆنگرەیەکا ڕۆژنامەڤانی دا سەدەمێ سستیا پارڤەکرنا مووچەی زڤڕاند بۆ دوو سەدەمێن سەرەکی: نەهاتنا پارێ بەغدا د دەمێ خۆدا کو دڤێت مەهانە جڤاتا وەزیران پەسەند بکەن و مەها دەربازبووی ژی درەنگ هات ڕۆژا ٨ێ ١١ پارە گەهشت ئەگەرچ پێشتر بڕیاربوو هەمی ٢٥ ێن مەهێ ئەو پارە بگەهیت.

سەدەمێ دووێ بۆ سستیا خرڤەکرنا داهاتان زڤڕاند.

ب باوەریا پشکەک ژ پەرلەمانتاران سەدەمێ سەرەکی سستیە د کۆمکرنا داهاتاندا ژئالیێ حکومەتێ ڤە،  هیڤیدار ئەحمەد، جێگرێ سەرۆکێ لیژنا دارایی ل پەرلەمانێ کوردستانێ ڕاگەهاند، داهات ژ پارێزگەها سلێمانیێ ناهێنە کۆمکرن ژبەروێ چەندێ مووچە ب سستی دهێتە پارڤەکرن. قوباد تالەبانی ژی ل حکومەتێ ئەو چەندە بۆ تیما پارتی گۆتیە.

سەمیر هەورامی پەیڤدارێ جێگرێ سەرۆکێ حکومەتا هەرێمێ ئەو تۆهمەت ڕەتکریە و دبەیاننامەیا خۆدا ئەو یەک دایە دیارکرن: "هەمی پارێ داهاتێ ناڤخۆ کو بۆ مووچەی تەرخان کرینە د ئەڤسالەدا هەیاکو ڕۆژا ٣٠ ێ تشرینا دوێ کۆژمێ (٢ ترلیۆن و٥٥٩ ملیار ) دینار ل داهاتێ سلێمانیێ دابینکرینە.

د مەها تەمموزێدا، هنارتنا ٢٠٠ ملیار دیناران بۆ هەرێمێ، ژ ئالیێ مستەفا کازمی سەرۆکوەزیرێن عێراقێ بڕیار لسەر هاتە دان، کو وەک سولفەیەکا مەهانە بۆ هەرێمێ بهنێریت و وەک مووچە ب هەڤئاوایێ داهاتێن وەزارەتا دارایی بسەر مووچەخۆراندا بهێتە پارڤەکرن.

 

ئەڤە ژی ددەمەکیدایە، داهاتێ پەتڕۆلا فرۆتی ب بۆریان ترلیۆنەک و ٢٠٠ ملیار دینارن و کۆما داهاتێ ناڤخۆژی زێدەترە ژ ٥٠٠ ملیار دیناران دگەل هەڤکاریێن مەهانە یێن هەڤپەیمانان ٢٨ ملیار دینارن، لێ چاڤێ حکومەتێ بۆ پارڤەکرنا مووچەی ل ٢٠٠ ملیارێن بەغدایە.

گەلەری