PM:11:02:03/12/2021
2400 جار خوێندراوەتەوە
+
-
سەرۆکوەزیرێن عێراقێ و فەرماندارێ هێزێن چەکدارێن عێراقێ ڕاگەهاند، دووپات
دکەین لسەر ئێکخستنا رێزان و بێخەمیا نیشان نەدان لهەمبەر شانەیان "چەتە
تیرۆرستێن داعش".
یەحیا ڕەسول پەیڤدارێ فەرماندەیا گشتیا هێزێن چەکدارێن عێراقێ لسەر
هێرشا شەڤا دەربازبووی یا چەکدارێن داعش بۆ سەر قەرەچوخ بناڤێ مستەفا کازمی
سەرۆکوەزیرێن عێراقێ ڕاگەهاند، "ب گرنگیەکا مەزن ڤە چاڤدێریا هێرشان
کریە".
دبێژیت ژی، هێزێن پێشمەرگەی دناڤ سیستەمێ بەرەڤانیا نشتیمانیا عێراقێ
دانە و مل ب مل ب برایانە دگەل هێزێن دی یێن عێراقێ کار دکەن ژبوی دابینکرنا
ئاسایشا باژێر و باژارۆکێن دی یێن دەڤەرێن جودا".
بەحسا وێیەکێ ژی کر، "داعش پشتی وێیەکێ گۆرزەکێ مەزن ل دەڤەرێن
جودا یێن وەلاتی بەرکەفتیە، ب ئاوایەکێ جودا دێ بزاڤان دکەت کارێن نە دروست ئەنجام
بدەت".
ئەو ژی د دەمەکێ دایە، شەڤا دەربازبووی داعش هێرشی سەر گوندێ خدرجیجەیا
سنورێ قەرەچۆغ کر و ل گۆر گوتنا پارێزگارێ هەولێرێ، ١٣ پێشمەرگە و وەلاتی شەهیدبوون
و بریندارژی هەنە.
سپێدەهیا ئەڤرۆ ژی، وەزارەتا پێشمەرگەی گوت، "خوینا شەهیدێن مە ب
هەروەناچیت و تیرۆرست و ئەوێن پشتەڤانیا وان دکەن دڤێت باجەکا مەزن بدەن".
ل شەڤا ٢٧ی مەها دەربازبووی ژی، ل ناحیا کولەجۆ ل دەڤەرا گەرمیان داعش
هێرشکرە سەر سەنگەرێن پێشمەرگەی و د دەمەکێ دا هەڤکاری بۆ هێزێ چوویە بۆمبەک ب ترۆمبێلا
وان ڤە تەقیایە و پێنج پێشمەرگە شەهیدبوون و چارێن دی ژی برینداربوون.