PM:08:59:03/12/2021
1676 جار خوێندراوەتەوە
+
-
رێکخراوا ساخلەمیا جیهانی ڕاگەهاند، هەیا نها ژیان ژ
دەستدان ب جۆرێ ئۆمیکۆنی ڤایرۆسێ کۆرۆنایا نوی نەهاتیە دەستنیشانکرن و ڤەکۆلین
بەردەوامن کا ئەرێ ئەڤ جۆرێ نویێ کۆرۆنایێ دهێتە ڤەگۆهاستن و دبیتە سەدەمێ
نەخۆشبوونا جددی.
کریستیان لیندمەیەر پەیڤدارێ رێکخراوا ساخلەمیا جیهانی د
کۆنفڕانسەکێ رۆژنامەڤانی دا دەربارەی داخۆیانیا بەرهەمئینەرێن ڤاکسینا کۆرۆنایا
پەیوەندیدار ب جۆرێ ئۆمیکرۆن ڕاگەهاند، "هەیا نها گەلەک پێشنیار دهێنەکرن کو
کۆمپانیێن بەرهەمئینانا ڤاکسینێ ل دەستپێکێ دەست ب پلانێن خۆ بکەن دەربارەی
ئەگەرێن نەچاربوون ب گۆهۆرینا ڤاکسینێ".
دبێژیت ژی، "ئەڤە باشترە ژ چاڤەرێکرنێ ل داخویانیا
داوی زەنگا ئاگەهدارکرنێ".
بەحسا وێیەکێ ژی کریە، هەیا نها ژیان ژ دەستدان ب سەدەما
وی جۆرێ ئۆمیکرۆنی یێ ڤایرۆسێ کۆرۆنایا نوی نەهاتینە دەست نیشانکرن و ڤەکۆلین
بەردەوامن لسەر وێیەکێ کا ئەو جۆرە نویێ کۆرۆنایێ ڤەدگۆهێزێن و دبیتە سەدەمێ
نەخۆشبوونا جددی یان نا.
رۆژا ٢٦ی مەها تشرینا دووێ، رێکخراوا ساخلەمیا جیهانی
جۆرەکێ نویێ "ڤایرۆسێ کۆرۆنایا گۆهۆری" دەستنیشانکر و ب
"ئۆمیکرۆن" بناڤ کر.