PM:04:25:02/12/2021
1076 جار خوێندراوەتەوە
+
-
د جڤینەکێدا کو ل مالا هادی عامری بڕێڤە چوو، ل دێڤ زانیاریێن دەستپێکیی،
ڕێککەفتن هاتیەکرن دناڤبەرا ئالیێن بەژدر بوی دا د پێک ئینانا لیژنەیەکا هەڤبەش
هەیاکو ببیتە کارنامەیا حکومەتا داهاتی و بنەمایەک بیت ژی بۆ پێشکێشکرنێ بۆ هەڤبەشێن
دی یێن سیاسی.
ئەحمەد شەمری ئەندامێ مەکتەبا سیاسیا ڕەوتا حیکمە یا نیشتیمانی ڕاگەهاند،
جڤینا ئالیێن شیعی گرنگیەکا نیشتیمانی هەبوویە بۆ پاراستنا عێراقێ ل شەڕێ ناڤخۆیی.
ئەحمەد شەمری ئاماژە ب وێ ژی کر، هەلبژارتنا سەرۆکوەزیرێن داهاتیێ عێراقێ دێ
ب ئاوایەکێ لهەڤهاتن بیت و دێ وەزارەت ژی لسەر بنچینەیا دەسکەفتێن هەلبژارتنێ هێنە
دیارکرن و هەمی ئالی هەڤنەرینن لسەر وێ چەندێ کو ئەڤ جڤینێن ب ڤی ئاوایی درێژە
هەبیت، ژبەرکو دێ بنە کلیل بۆ ڤەکرنا چەندین دەرگەهێن دی و چارەسەرکرنا ئاریشا ناڤ
مالا شیعی.
د دەست نڤیسەکێدا کو ب دەست ئێن ئاڕ تی کەفتیە، سەدری دەربارێ حکومەتا نوی نڤێیسیە
"حکومەتا داهاتی نە دێ یا ڕۆژهەلاتی و نە ڕۆژئاڤایی بیت بەلکو دێ حکومەتەکا
زۆرینەیا نشتیمانی بیت".
ئاماژە ب وێ ژی کر، سەرۆکێ ڕەوتا سەدر و کڤانا هەماهنگیێ دەربارێ حکومەتا
داهاتیا عێراقێ گەهشتنیە لهەڤهاتنێ و"هەمی ئالی لهەڤهاتینە لسەر پێکئینانا
لیژنەیەکا هەڤبەش بۆ دروستکرنا لیژنەیەکا ئێکگرتی کول بنەمایێ بەڕنامەیەکێ حکومی
بهێتە پێکئینان ژبۆی کو بهێتە پێشکێشکرن بۆ هەڤبەشێن سیاسی دەربارێ حکومەتا
داهاتی".
ل مەها تشرینا ئێکێ یا دەربازبووی یا ئەڤسالە، هەلبژارتنێن بەری وەختێن
پەرلەمانی بڕێڤە چوون و دناڤدا بۆ جارا ئێکێ بوو نەتەوەیێن هەڤگرتی چاڤدێریا
هەلبژارتنان بکەن، دوهی ژی پشتی تانە و پێداچوونان داوی ئەنجامێن هەلبژارتنان هاتنە
ڕاگەهاندن.