PM:02:03:02/12/2021
7028 جار خوێندراوەتەوە
+
-
ژێدەرەکی ژ وەزارەتا دارایی بۆ ئێن ئاڕ تی ڕاگەهاند، رۆژا دووشەمبیا حەفتیا بهێت مووچەیێ جڤاتا ئاسایشێ هێتە پارڤەکرن.
ئەڤرۆ پێنجشەمبی، ژێدەرەکی ژ وەزارەتا دارایی و ئابوریا حکومەتا هەرێما کوردستانێ بۆ ئێن ئاڕ تی ڕاگەهاند، رۆژا دووشەمبیا حەفتیا بهێت مووچەیێ جڤاتا ئاسایشێ دێ هێتە پارڤەکرن.
رۆژا ٢٥ی مەهێ، وەزارەتا ساخلەمیێ وەک ئێکەم وەزارەت، مووچەیێ مەها تشرینا دووێ ب هەمان میکانزمێن بەریا نها و بێ بڕین وەرگرت و پشترا، مووچەیێ دیوانا وەزارەتا پێشمەرگەی و لیوایێن ٧٠ و ٨٠ و وەزارەتا دارایی و وەزارەتا ناڤخۆ و ڕێڤەبەریا گشتیا رەگەزنامێ هاتە پارڤەکرن.
دوهی چاشەمبی، مووچەیێ هەر ئێک ژ وەزارەتێن کاروبارێن شەهیدان و ئەنفالکریان و لیوایێن پەتڕۆل و گازێ و فەرماندەیێن زێرەڤانی هاتە پارڤەکرن.
ژێدەری ئاماژە ب وێیەکێ ژی کر، رۆژا پێنجشەمبی و ئێکشەمبیا حەفتیا بهێت مووچەیێ مەها تشرینا دووێ یێ وەزارەتا پەروەردە دێ هێتە پارڤەکرن.
وی ژێدەری ڕاگەهاند، ب گەهشتنا ٢٠٠ ملیاران دێ مووچەیێ تەڤایا وەزارەتان هێتە پارڤەکرن.
د مەها تەمموزێدا، هنارتنا ٢٠٠ ملیار دیناران بۆ هەرێمێ، ژ ئالیێ مستەفا کازمی سەرۆکوەزیرێن عێراقێ بڕیار لسەر هاتە دان، کو وەک سولفەیەکا مەهانە بۆ هەرێمێ بهنێریت و وەک مووچە ب هەڤئاوایێ داهاتێن وەزارەتا دارایی بسەر مووچەخۆراندا بهێتە پارڤەکرن.
ئەڤە ژی ددەمەکیدایە، داهاتێ پەتڕۆلا فرۆتی ب بۆریان ترلیۆنەک و ٢٠٠ ملیار دینارن و کۆما داهاتێ ناڤخۆژی زێدەترە ژ ٥٠٠ ملیار دیناران دگەل هەڤکاریێن مەهانە یێن هەڤپەیمانان ٢٨ ملیار دینارن، لێ چاڤێ حکومەتێ بۆ پارڤەکرنا مووچەی ل ٢٠٠ ملیارێن بەغدایە.