سەرنووچە:

لیستا پارڤەکرنا مووچێ سوباهی

AM:11:08:29/11/2021

2960 جار خوێندراوەتەوە

+ -

پارڤەکرنا مووچێ مەها ١١ بەردەوامی هەیە و بڕیارە سوباهی ژی مووچێ وەزارەتەکێ و ڕێڤەرەریەکا گشتی بهێتە پارڤەکرن.

ژێدەرەکی ژ وەزارەتا دارایی و ئابوریا حکومەتا هەرێمێ بۆ ئێن ئاڕ تی ڕاگەهاند، سەباهی سێشەمبێ مووچێ مەها تشرینا دووێ یێ وەزارەتا ناڤخۆ و ڕێڤەبەرایەتیا گشتیا رەگەزنامێ دێ هێتە پارڤەکرن.

ڕۆژا ٢٥ ێ مەهێ ژی، وەزارەتا ساخلەمیێ وەک ئێکەم وەزارەت، مووچێ مەها تشرینا دووێ یا ئەڤسالە ب هەمان میکانزمێ بەرێ و بێ لێبڕین وەرگرت، دوهی ژی، مووچێ دیوانا وەزارتا پێشمەرگەی و لیوایان هاتە پارڤەکرن و ئەڤرۆ ژی مووچێ یەکەیێن ٧٠ و ٨٠ و وەزوارەتا دارایی دھێتە پارڤەکرن.

ئەڤە ژی ددەمەکیدایە، وەزارەتا دارایی هێشتا لیستا مووچێ هەمی وەزارەتان بەلاڤ نەکریە.

دەربارێ ٢٠٠ ملیاران ژی، دمەها دەربازبویدا، پەرلەمانتارەکێ بەرێ یێ عێراقی بۆ ئێن ئاڕ تی ڕاگەهاند، کو ب ئەگەرەکێ زۆرڤە دبیت عێراق یا پابەند بیت ب شاندنا ٢٠٠ ملیار دینارێن مەهانە یێن هەرێمی هەتاکو حکومەتا نوی بهێتە پێک ئینان.

دمەها تەمموزێدا، شاندنا ٢٠٠ ملیار دینارێن مەهانە بۆ هەرێمی، ژ ئالیێ مستەفا کازمی سەرۆکوەزیرێن عێراقێ بڕیار لسەر هاتە دان، کو وەکی سولفەیەکێ مەهانە بۆ هەرێمێ بهێتە شاندن و وەک مووچە ب هەڤتایێ داهاتین وەزارەتا دارایی بسەر مووچە خۆراندا بهێتە پارڤەکرن.

حکوموتا هەرێمێ دچەند مەهێن دەربازبویدا یڕیاردا هەمی ٢٥ ێ مەهێ مووچە بهێتە پارڤەکرن بێ لێبڕین، لێ چەند مەهەکن ب هێجەتا کیمی و درەنگ گەهشتنا داهاتی بۆ خەزینا وەزارەتا دارایی و درەنگ گەهشتنا ٢٠٠ ملیارێن بەغدا، حکومەت پارڤەکرنا مووچەی پاشڤە دبەت و بۆ دەمێ ١٥ رۆژان و زێدەتر مووچێ هەمی وەزارەتان پارڤە دکەت.

هێرش قادر ، هەولێر

گەلەری