سەرنووچە:

حکومەتا هەرێمێ دانپێدانێ ب خەلەتیەکا خۆ دکەت و داخازا لێبورینێ ژ خوێندکاران دکەت

PM:06:06:28/11/2021

2304 جار خوێندراوەتەوە

+ -

 

قوباد تالەبانی جێگرێ سەرۆکێ حکومەتا هەرێما کوردستانێ د کۆنفرانسەکێ رۆژنامەڤانیدا ڕاگەهاند، "د وێ ڤیدیۆیا تێدا سڤکاتی ب ئالایێ کوردستانێ دهێتە کرن، ئەم حکومەت و پەرلەمان کەفتینە خەلەتیێ و ب بێ وێیەکێ خۆ ماندی بکەن و لدویف راستیێ بچین و مە ئەو ڤیدیۆیە دایە پال خوێندکاران"، دبێژیت ژی، "داخازا لێبورینێ ژ خوێندکاران دکەین".

قوباد تالەبانی جێگرێ سەرۆکێ حکومەتا هەرێما کوردستانێ د گوتارەکێدا ل کۆنفرانسێ یەکسانیا جێندەری و ستراتیژیەتا بهێزکرنا پێگەهێ ژنان ل هەرێما کوردستانێ ڕاگەهاند، "ئەو کچێن زانکۆیا سلێمانیێ د خۆپێشاندنان دا برینداربووین ژبەر وێیەکێ بریندارنەبووینە کو کچن، ژبەرکو خۆپێشاندەرن و هێزێن ئەولەکاری راستی وان بووینە"

گوتژی، "دەمێ خوێندکار خۆپێشاندانێ دکەن و ئەم حکومەت ل جهێ وێیەکێ تێبگەهین و نێزیک ببین و ئارامبکەین، دێ چین ڤیدیۆیەکا کەڤن ئینین و دێ تۆهمەتبار کەین، ب بێی وێیەکێ دیڤداچوونێ بۆ بکەین و لدویف بگەڕین و خۆ ماندی بکەین".

دبێژیت ژی، "ئەو ڤیدیۆیە بسەر مە و حکومەتێ و پەرلەمانی ژی دەربازبوون و داخازا لێبورینێ ژ خوێندکاران دکەین".

دەمێ شەش رۆژانە خوێندکارێن زانکۆ و پەیمانگەهان بۆداخازکرنا پێدانا دەرمالەیان خرڤەبووینە و خۆپێشاندانان ئەنجامددەن و د ئێکەم رۆژ ژی دا بۆ بەلاڤەپێکرنا خوێندکاران هێزێن ئەولەکاری دارێن کارەبێ و گازا روندکرێژ بکارئینان و چەند خوێندکارەک برینداربوون.

ل دووەم رۆژ ژیدا، هێزێن ئەولەکاریێ نە بتنێ گازا روندکرێژ بەلکو تەقە ژی بسەر خوێندکاران ژی کر ل سلێمانیێ ل دهۆکێ ژی ب هێزێ بەلاڤە ب خۆپێشاندەران هاتە کرن.

پێش سالا ٢٠١٤ ێ خوێندەکاران مەهانە دەرمالێن خاندنێ وەردگرتن، ب رەنگەکی هەر خوێندەکارەکێ بەشێن ناڤخۆیی ٦٠ هزار و خوێندەکارێن ناڤ باژێرێ ژی ٤٠ هزار وەردگرتن و ئەو خوێندەکارێن ل دەرڤەی باژێڕی هاتن و چوون دکر مەهانە ١٠٠ هزار دینار وەردگرتن، لێ حکومەتێ ب هێجەتا قەیرانا دارایی و نەبوونا داهاتی نێزیکی هەشت سالن ئەو کۆژمێ پارا لێ بڕی.


 

گەلەری