سەرنووچە:

لیستا بارڤەکرنا مووچەی گۆهڕین بسەردا هاتن

AM:11:17:28/11/2021

6120 جار خوێندراوەتەوە

+ -

پشتی کو ژێدەرەکی ژ وەزارەتا دارای یا هەرێمێ ڕاگەهاند، سوباهی دوو شەمبێ مووچێ مەها ١١ێ یێ یەکەیێن ٧٠ و٨٠ ێ دێ هێتە پارڤەکرن، لستێ گۆهڕین دناڤدا هاتنە کرن و بڕیارە هەر سوباهی مووچێ وەزارەتا دارایی ژی بهیتە پارڤەکرن.

ژێدەرەکی ژ وەزارەتا دارایی و ئابوریا حکومەتا هەرێمێ بۆ ئێن ئاڕ تی ڕاگەهاند، ڕۆژا دووشەمبێ مووچێ مەها تشرینا دووێ یێ یەکەیێن ٧٠ و٨٠ و وەزارەتا دارایی دێ هێتە پارڤەکرن.

ڕۆژا ٢٥ ێ مەهێ ژی، وەزارەتا ساخلەمی وەک ئێکەم وەزارەت، مووچێ مەها تشرینا دووێ یا ئەڤسالە ب هەمان میکانزمێ بەرێ و بێ لێبڕین وەرگرت.

ئەڤە ژی ددەمەکیدایە، وەزارەتا دارایی هێشتا لیستا مووچێ هەمی وەزارەتان بەلاڤ نەکریە.

دەربارێ ٢٠٠ ملیاران ژی، دمەها دەربازبویدا، پەرلەمانتارەکێ بەرێ یێ عێراقی بۆ ئێن ئاڕ تی ڕاگەهاند، کو ب ئەگەرەکێ زۆرڤە دبیت عێراق یا پابەند بیت ب شاندنا ٢٠٠ ملیار دینارێن مەهانە یێن هەرێمی هەتاکو حکومەتا نوی بهێتە پێک ئینان.

دمەها تەمموزێدا، شاندنا ٢٠٠ ملیار دینارێن مەهانە بۆ هەرێمی، ژ ئالیێ مستەفا کازمی سەرۆکوەزیرێن عێراقێ بڕیار لسەر هاتە دان، کو وەکی سولفەیەکێ مەهانە بۆ هەرێمێ بهێتە شاندن و وەک مووچە ب هەڤتایێ داهاتین وەزارەتا دارایی بسەر مووچە خۆراندا بهێتە پارڤەکرن.

حکوموتا هەرێمێ دچەند مەهێن دەربازبویدا یڕیاردا هەمی ٢٥ ێ مەهێ مووچە بهێتە پارڤەکرن بێ لێبڕین، لێ چەند مەهەکن ب هێجەتا کیمی و درەنگ گەهشتنا داهاتی بۆ خەزینا وەزارەتا دارایی و درەنگ گەهشتنا ٢٠٠ ملیارێن بەغدا، حکومەت پارڤەکرنا مووچەی پاشڤە دبەت و بۆ دەمێ ١٥ رۆژان و زێدەتر مووچێ هەمی وەزارەتان پارڤە دکەت.

گەلەری