ئەڤرۆ مووچێ ڤی جهی دێ هێتە پارڤەکرن

AM:10:14:28/11/2021

3248 جار خوێندراوەتەوە

+ -

ژێدەرەکی ژ وەزارەتا دارای یا هەرێمێ ڕاگەهاند، ئەڤرۆ ئێک شەمبی مووچێ مەها ١١ێ یێ دیوانا وەزارەتا پێشمەرگەی و لیوایان دێ هێتە پارڤەکرن.

ژێدەرەکی ژ وەزارەتا دارایی و ئابوریا حکومەتا هەرێمێ بۆ ئێن ئاڕ تی ڕاگەهاند، ڕۆژا ئێکشەمبی ٢٨ ێ ١١ ێ ٢٠٢١ ێ مووچێ مەها تشرینا دوویێ یێ دیوانا وەزوارەتا پێشمەرگەی و لیوایان دێ هێتە پارڤەکرن.

ڕۆژا ٢٥ ێ مەهێ ژی، وەزارەتا ساخلەمی وەک ئێکەم وەزارەت، مووچێ مەها تشرینا دووێ یا ئەڤسالە ب هەمان میکانزمێ بەرێ و بێ لێبڕین وەرگرت.

ئەڤە ژی ددەمەکیدایە، وەزارەتا دارایی هێشتا لیستا مووچێ هەمی وەزارەتان بەلاڤ نەکریە.

دەربارێ ٢٠٠ ملیاران ژی، دمەها دەربازبویدا، پەرلەمانتارەکێ بەرێ یێ عێراقی بۆ ئێن ئاڕ تی ڕاگەهاند، کو ب ئەگەرەکێ زۆرڤە دبیت عێراق یا پابەند بیت ب شاندنا ٢٠٠ ملیار دینارێن مەهانە یێن هەرێمی هەتاکو حکومەتا نوی بهێتە پێک ئینان.

دمەها تەمموزێدا، شاندنا ٢٠٠ ملیار دینارێن مەهانە بۆ هەرێمی، ژ ئالیێ مستەفا کازمی سەرۆکوەزیرێن عێراقێ بڕیار لسەر هاتە دان، کو وەکی سولفەیەکێ مەهانە بۆ هەرێمێ بهێتە شاندن و وەک مووچە ب هەڤتایێ داهاتین وەزارەتا دارایی بسەر مووچە خۆراندا بهێتە پارڤەکرن.

حکوموتا هەرێمێ دچەند مەهێن دەربازبویدا یڕیاردا هەمی ٢٥ ێ مەهێ مووچە بهێتە پارڤەکرن بێ لێبڕین، لێ چەند مەهەکن ب هێجەتا کیمی و درەنگ گەهشتنا داهاتی بۆ خەزینا وەزارەتا دارایی و درەنگ گەهشتنا ٢٠٠ ملیارێن بەغدا، حکومەت پارڤەکرنا مووچەی پاشڤە دبەت و بۆ دەمێ ١٥ رۆژان و زێدەتر مووچێ هەمی وەزارەتان پارڤە دکەت.