سەرنووچە:

وەزارەتا ناڤخۆ پاسپۆرتان د دەتە ڕەڤەندێن عێراقێ ل ڤی ولاتی

PM:02:26:27/11/2021

1312 جار خوێندراوەتەوە

+ -

وەزارەتا ناڤخۆیا عێراقێ ڕاگەهاند، شاندەکێ وەزارەتێ سەرەدانا ولاتێ چینێ دکەت بمەرەما پیدانا پاسپۆرتان بۆ ڕەڤەندێن عێراقی ل وی ولاتی.

ئەڤرۆ شەمبی، ئەحمەدعەبدولستار ڕێڤەبەرێ کاروبارێن پاسپۆرتان ل وەزارەتا ناڤخۆیا عێراقێ بۆ ئاژانسا نووچەیا فەرمیاعێراقێ ڕاگەهاند، وەزارەت شاندەکی دشینیت بۆ ولاتێ چینێ بمەرەما پێدانا پاسپۆرتا عێراقی بۆ وان وەلاتیێن ل وی ولاتینە و دبێ پاسپۆرتن.

ئاماژە بوێ ژی دا، ئەو شاندێ وەزارەتا نافخۆ بۆ دەمێ مەهەکێ ل ولاتێ چینێ دمینن.

ئەحمەد عەبدولستار عەزاوی، دبێژیت ژی، دگەل وێ چەندێ کودێ پاسپۆرتان دەنە وان وەلاتیان یێن کو بێ پاسپۆرتن، پاسپۆرتێن وان وەلاتیان ژی دێ هێتە نیکرن یێن کو دەمێ وان بسەر ڤەچووی.

گۆتژی بمەرەما چوون بۆ چینێ دوهی ئەو شاندە گەهشتینە هەولێرێ.

ڕێڤە بەرێ کاروبارێن پاسپۆرتان ل وەزارەتا ناڤخۆیا عێراقێ ئاشکەراکریە، حکومەتا چینێ سۆزدایە ل دەمێ گەهشتنا شاندا وەزارەتا ناڤخۆیا عێراقێ کو بۆ دەمێ ٢١ ڕۆژان دمینن هەمی خەرجی و مانەڤەیا وان ل هۆتێلێ ل ستۆیێ خۆ دگریت.

ئەڤە د دەمەکی دایە، پشتی سەرهەلدانا ئاریشا کۆچبەران ل سنورێ دناڤبەرا بیلاروسیا و پۆلەندا دا، وەزاەتا دەرڤە یا عیراقێ د ئێکەم پینگاڤدا بمەرەما زڤراندنا کۆچبەران ب ئاوایەکێ ئارەزو مەندانە پاسپۆرتێن بێ بەرامبەر دێ دەنە وان کۆچبەرێن کونەبوون. عەباس عیمران ڕێڤەبەرێ گشتیێ کۆمپانیا ڤەگوهاستنا عێراقێ ڕاگەهاند، ئەو ولاتیێن ل سنورێ بیلاروسیا - پۆلەندا زڤڕینە ڤە بۆ عیراقی، ژمارا وان گەهشتیە هزار و ٤٥٨ کۆچبەران.

گەلەری