AM:10:10:26/11/2021
1496 جار خوێندراوەتەوە
+
-
هەرئیک ژ سەرۆک کۆماری
و سەرۆکێ جڤاتا وەزیران و سەرۆکێ جڤاتا دادوەریا عێراقێ نامەیەکا نەهێنی ئاراستەی
موقتەدا سەدرێ سەرۆکێ ڕەوتا سەدری کر و دناڤدا داخاز ژێ کریە ڕازی بیت ب پێکئینانا
حکومەتێ لسەر بنەمایێ سازانێ "تەوافقێ".
ئەڤرۆئەینی، ڕوپەلێ
ئەخبار ئەلخەلیج ژ زارێ ژێدەرەکێ عێراقێ بەلاڤکریە، هەرئێک ژ بەرهەم سالحی سەرۆک
کۆمارێ عێراقێ و مستەفا کازمێ سەرۆکێ جڤاتا وەزیرێن عێراقێ و فایەق زێدانێ سەررۆکێ
جڤاتا دادوەریا عێراقێ نامەیەکا نەهێنی ب ئیمزایا هەرسێ سەرۆکاتیان ئاراستەی
موقتەدا سەدرێ سەرۆکێ رەوتا سەدری کرن.
وی ژێدەری ئاماژە ب وێ
ژی دا، ناڤەرۆکا وێ نامێ بریتی بوو ژ وێ چەندێ کو هەرسێ سەرۆکاتیان داخاز ژ موقتەدا
سەدری کریە ڕازی بیت ب پێکئینانا حکومەتێ لسەر بنەمایێ سازانێ
"تەوافوقێ".
دبێژیت ژی، هەیا نها
سەدری بەرسڤا وێ نامی نەدایە، لێ ل ڕێیا میدیایان ئاشکەراکریە ب چ ئاوایەکی
پشکداریێ دحکومەتەکێدا ناکەت کو لسەر بنەمایێ سازانێ بیت، بەلکو حکومەتا زۆرینە
پێک دئینن.
وی ژیدەری ئەویەک ژی
دا دیارکرن، وان ئەزمونا حکومەتا بنکە فراوان هەیە کو ژبلی گەندەلیێ تشتەکێ دی لێ
بەرهەم نەهاتیە.
دبێژیت ژی، سەدری بەحسا
وێ چەندێ کریە کو نەیێ ئامادەیە، "هەلکەفتان تێکهەل بکەت" و ل وێ ڕێیێ
ژی ڕەوت و گرۆپێن شیعی یێن خسارمەندبینیتەڤ دناڤا حکومەتێ دا.
ئەڤە د دەمەکیدایە،
دوهی کۆمسیۆنا بلندا سەربخۆیا هەلبژارتنێن عێراقێ داوی هاتنا جوداکرنا هەژمارتنا بدەستیا
وان وێسگەهان ڕاگەهاند، ل دیڤ ڕاگەهاندنا وێ ژی، ئەنجامێ جوداکرن و هەژمارتنا دەستیا
وان بنگەهان هەڤبەرکرینە ب دەنگێن ئەلیکترۆنی و دەرکەفتیە ١٠٠% هەڤبەربوون.