PM:11:41:24/11/2021
720 جار خوێندراوەتەوە
+
-
رێکخراوا رۆژنامەڤانیا بێسنور ڕاگەهاندنەک بەلاڤکر و تێدا دەستەسەرکرنا ژیان عەلی
نووچەگەهانا ئێن ئاڕ تی ل بیلاروسیا شەرمزاردکەت.
ئەڤرۆ چارشەمبێ، رێکخراوا رۆژنامەڤانیا
بێسنور ڕاگەهاندنەک بەلاڤکر و دەستەسەرکرنا ژیان عەلی نووچەگەهانا ئێن ئاڕ تی ل
بیلاروسیا شەرمزارکر. کو ب مەرەما ڤەگۆهاستنا داوی زانیاری لسەر ڕەوشا کۆچبەران
سەرەدانا وی وەلاتی کربوو.
د ڕاگەهاندنەکێ دا، کو ل تویتەرێ فەرمی یێ خۆ
بەلاڤکریە، رێکخراوا رۆژنامەڤانیا بێسنور ئاماژە ب وێیەکێ کر، "هەر رێگریەکا ل کارێ رۆژنامەڤانی ل
بیلاروسیا دهێتەکرن شەرمزار دکەین".
ڕاگەهاندن د دەمەکێ دایە، رۆژا دووشەمبیا دەربازبووی، ژیان عەلی ل
بالەفڕخانەیا نیڤدەولەتیا مینسکا بیلاروسیا رێگری لێکریە و پشتی دەستەسەکرنا وێ بۆ
دەمێ ٢٠ دەمژمێران ڤەگەڕاندیە بۆ بالەفڕخانەیا تورکیا و کەرەستەیێن وێ یێن
رۆژنامەڤانی ژێ وەرگرتبوون.
د هەمان دەم ژی دا، وەزارەتا دەرڤەیا
بیلاروسیا د بەرسڤا تویتێ رێکخراوا رۆژنامەڤانیا بێسنور ئاماژە ب وێیەکێ کر کو
ژیان عەلی نەهاتیە دەستەسەکرن و کەرەستەیێن وێ ژی نەهاتینە وەرگرتن.
لێ ژیان عەلی تەکەز لسەر وێیەکێ کر کو ئەو
وەکی نووچەگەهانا ئێن ئاڕ تی گەهشتیە وی وەلاتی و ل وێرێ رێگری لێ هاتیەکرن و دەست
بسەر کەرەستەیێن وێ داگرتینە و ڤەگەراندینە وەلاتێ تورکیا.