PM:04:49:18/10/2025
152 جار خوێندراوەتەوە
+
-
کۆمسیۆنا بلندا هەلبژارتنێن عێراقی داوی ئامارێن هەلبژارتنا پەرلەمانێ عێراقێ ل دهۆکێ بەلاڤکرن و دبێژیت، ٧٧٩ هزار کەسان مافێ دەنگدانێ هەیە ل سنورێ دهۆکێ.
ئەڤرۆ شەمبی، کۆمسیۆنا بلندا هەلبژارتنێن عێراقی داوی ئامارێن هژمارا دەنگدار و
بەربژێران و وێستگەهێن دەنگدانێ ل دهۆکێ بەلاڤکرن و دبێژیت، ٧٧٩ هزار کەسان
مافێ دانگدانێ هەیە و کو ٥٥ هزار کەس ژ وان دێ د دەنگدانێ تایبەت دا پشکدار بن و
٢٥ هزار ئاوەری ژی مافێ دەنگدانێ هەیە ل سنورێ دهۆکێ.
هەروەسا ئاماژە ب وێ یەکێ ژی کر، ٥٩ کەسان خۆ بەربژێر کرییە بۆ هەلبژارتنا
پەرلەمانێ عێراقێ کو ٢٠ ژوان ئافرەتن و٣٩ ژی زەلامن.
ئەو یەک دا دیارکرن، هژمارا وێسگەهێن دەنگدانێ ل دهۆکێ ب گشتی گەهشتیە ١٨٦٤
وێستگەهان.
ئەڤەژی د دەمەکی دایە، رۆژا ١١ـێ ١١ هەلبژارتنا پەرلەمانێ عێراقێ دێ
برێڤەچیت.