PM:05:53:19/07/2025
992 جار خوێندراوەتەوە
+
-
کۆمسیۆنا
بلندا هەلبژارتنێن عێراقێ دبێژیت، ٤٦ کاندید بۆ هەلبژارتنا پەرلەمانێ عێراقێ
هاتینە دویرئێخستن، ئەڤەژی پشتی پێداچوونێ ل تۆمارا وان کاندیدانە، ل وێ هژمارێ ١١
کاندیدان ژئەرگەرێ وێیەکێ کو باوەڕنامە نەبوویە هاتینە دویرئێخستن وسێ کاندیدێن دی
ژی هاتینە گۆهڕین کاندیدێن ژن ل جهێ وان داناینە.
ئەڤرۆ
شەمبی، عیماد جەمیل، سەرۆکێ تیما راگەهاندنا کۆمسیۆنا بلندا سەربەخۆیا هەلبژارتنێن
عێراقێ دەربارەی دوماهی بەرهەڤیان بۆ هەلبژارتنا ١١ـی تشرینا دوویێ یا ئەڤسالەیا
پەرلەمانی گوت، پڕۆسەیا پێداچوونێ دەربارەی کاندیدێن لیستێن هەلبژارتنێ دکڤانێ
هەڤپەیمانەتییاندا تا دوماهییا ڤێ هەیڤێ دێ بەردەوامبیت.
ئاماژە ب
وێیەکێ ژیکر، تا نها ٤٦ کاندید هاتینە دویرئێخستن، ژبەر وێیەکێ کو حزبێن وان مەرجێن
پێدڤی تێدا نەبوونە بۆ قەبولکرنا کاندیدبوونا وان دناڤ لیستێن هەلبژارتنێ دا یان
پێدڤیێن خۆکاندیدکرنێ تەمام نەبووینە.
گوت ژی،
سیستەمی تۆمارا کاندیدان ژمارە ٣ یا سالا ٢٠٢٥ ل مادەیێ (٢) ئێکەم- ت کو تایبەتە ب
لیستا ڤەکری دبێژیت، رێژەیەک کو ل ٢٠٪ تێنەپەڕیت دێ هێتە تەرخانکرن، بۆ وان
کاندیدان کو باوەڕنامەیا دیبلوم یان باوەڕنامەیا ئامادەیی هەیە، لسەر ڤی بنەمایی،
١١ کاندید کو هەلگرێن باوەڕنامەیا ئامادەیی بوون و کاریگەری لسەر ڤێ رێژەیێ هەبوو
هاتنە گۆهڕین ب وان کو هەلگرێن باوەڕنامەیا بەکالۆریۆسن.
بەحسێ
وێیەکێ ژیکر، پێدڤییە رێژەیا ژنان ل ٢٥٪ یا ژمارەیا کاندیدان کێمتر نەبیت، ژبەر
وێیەکێ سێ کاندیدێن زەلام هاتنە گۆهڕین بۆ بدەستڤەئینانا ڤێ رێژەیێ ل دناڤ لیستێ
دا.