AM:09:07:18/06/2025
736 جار خوێندراوەتەوە
+
-
رێبەرێ بلندێ ئیرانێ دبێژیت، شەڕی
دەستپێکر و دڤێت بهێزڤە رویبروی ئیسرائیلێ ببین، ئارتێشا ئیسرائیلێ ژی د زنجیرەکا
هێرشاندا، چەندین جهـ ل تەهران بۆردومانکرن و هایداریژی دا ئاکنجیێن تەهرانێ
باژێری چۆلبکەن.
ئەڤرۆ چارشەمبی، عەلی خامنەیی، رێبەرێ
بلندێ ئیرانێ، د تۆڕا جڤاکییا ئێکس دا گوت، سازشێ بۆ ئیسرائیلێ ناکەن و شەڕی
دەستپێکر و ئیسرئیلێ ژی د راگەهاندنەکێ دا گوت، زنجیرەکان هێرشا کریە سەر چەندین جهان
ل تەهران.
ئارتێشا ئیسرائیلێ ژی دبێژیت، شەڤا
دەربازبووی هێرش کریە سەر جهێ بەرهەمئینانا سەنتەرفیوژ و چەند جهەکێن بەرهەمئینانا
چەکێ ئیرانێ.
بەحسا وێیەکی ژی کر، زێدەتر ژ ٥٠
بالەفڕێن شەڕکەرێن هێزا ئەسمانیا نێڤدەولەتی ب رێنمایین هویرێن هەوالگیری ل دەمێ
چەند دەمژمێرێن دەربازبووی دا زنجیرەیەکا هێرشان بۆ سەر ئارمانجێن سەربازی ل تەهران
کرینە.
هەروەسا، میدیایێن ئیرانێ بەحس ل
تەقینەکا بەرفرەهـ کر کو رۆژهەلاتێ تەهرانێ هژاندییە و دیمەنێ سێ تەقینان ل باژێرێ
ئەبهەر ل پارێزگەها زانجان و هێرشآ ئیسرائیل بۆ سەر زانکۆیا ئیمام حسێن کو
پەیوەندی ب ئارتێشا پاسدارانڤە هەیە ل رۆژهەلاتێ تەهران بەلاڤکریە.
هەڤدەم، ئارتێشا پاسدارێن ئیرانێ د
کڤانێ ئۆپەراسیۆنێن سۆزازا راستبێژیا سێیێ، نێزیکی ٣٠ مووشەک ئاراستەی ئیسرائیلێ
کرن، د هەمبەردا ئیسرائیلێ هێرشەکا بەرفرەهـ بۆ سەر تەهران دەستپێکر و چەندین جهـ
بۆمبەباران کرن.
ئاماژە ب وێیەکێ ژیکر، ب بکارئینان
مووشەکا فەتاح، شیاین ەسیستەمێ بەرگریا ئەسمانیا ئیسرائیلێ تێپەڕینن و نها ئەسمانێ
ئەسمانێ وی ولاتی ب تەمامی ل بن کۆنتڕۆلا واندایە.