PM:04:55:17/06/2025
828 جار خوێندراوەتەوە
+
-
شێوەرمەندەکێ سەرۆک وەزیرانێ عێراقێ راگەهاند، هەلبژارتنا پەرلەمانێ عێراقێ
ل دەمێ دیارکریێ خۆ دا دێ بڕێڤەچیت و چ پێشهاتەکا ئەولەهی و سەربازیا دەڤەرێ
کارتێکرن لسەر نابیت.
ئەڤرۆ سێشەمبی، حوسێن عەللاوی، شێوەرمەندێ سەرۆک وەزیرانێ عێراقێ
گوت، تا نها بەرهەڤی بۆ پرۆسەیا هەلبژارتنا پەرلەمانێ عێراقێ بجورەکی گەلەک باش بڕێڤەدچیت.
ئاماژە ب وێیەکێ ژیکر، حکۆمەتا عێراقێ سەرکەفتی بوویە ل
دەستەبەرکەرنا سەقایەکێ گونجای بۆ بەردەوامبوونا پرۆسەیێ و پابەندە ژی هەلبژارتنێن
پەرلەمانێ عێراقێ ددەمێ دیارکری دا بڕێڤەبچن و چ پێشهاتەکا ئەولەهی و سەربازیا دەڤەرێ
کاریگەری لسەر نابیت.
بڕیارە رۆژا ١١ـی تشرینا دووێ یا ئەڤ سالە هەلبژارتنا خولا شەشێ یا
پەرلەمانێ عێراقێ بهیتەکرن، کۆمسیۆنا بلندا هەلبژارتنان ژی بەردەوامە ل رێکاران و
بۆ ڤێ مەبەستێ ژی دەست ب وەرگرتنا ناڤێن پێشکەشکاران وەکی کارمەندێن رۆژا دەنگدانێ
کریە.