PM:02:10:14/06/2025
1128 جار خوێندراوەتەوە
+
-
ئیران هۆشداریەکا توند ب
ئەمریکا و چەند ولاتەکێن ئەورپا د دەت ئەگەر هەڤکاریا ئیسرائیل بکەن، دێ سازیێن
وان ل دەڤەرێ دێ هێنە ئارمانج کرن.
ئەڤرۆ شەمبی، میدیایێن
ئیرانێ بەلاڤکریە، سەرکردەیێن وی ولاتی بفەرمی هۆشداری دایە ئەمریکا و بەریتانیا و
فەرەنسا، ئەگەر هەڤکاریا ئیسرائیلێ ل هیرشێن سەر ئیرانێ بکەن، هەمی سازیێن وان یێن
گرنگ ل رۆژهەلاتا ناڤەراست دێ هێنە ئارمانج کرن و بۆمبەباران کرن.
راگەهاندژی، ئیرانێ پلان
دانایە هێرشێ بکەتە سەر کەشتیێن ئەمریکا و بەریتانیا و فەرەنسا ئەگەر هاتە دووپاتکرن
وان سێ ولاتان هەڤکاریا لۆجستی پێشکێشی ئارتێشا ئیسرائیلێ کریە.
ئەڤەژی د دەمەکی دایە
فەرماندەیێن بلندێن ئارتێشا ئیرانێ پێشبینی کریە شەڕێ دناڤ بەرا ولاتێ وان و
ئیسرائیلێ بەرفرەهتربیت و دێ دەمەکێ زۆر ژی ڤەکێشیت و ل دیف نووچەیەکا ئاژانسا
ئیرانێ ژی، تەهرانێ پلان دانایە ئاستێ هێرشان بۆ سەر ئیسرائیلێ بەرفرەهتر بکەت و ب
هێزەکا زیدەترڤە هێرشێ بکەتە سەر هەمی سازیێن وی ولاتی و ژ کار بئێخیت.