PM:10:14:21/05/2025
432 جار خوێندراوەتەوە
+
-
پشتی کو وان پێنج خاندەکارێن کۆلیژا سەربازیا عێراقێ ب
سەدەمێ ڕاهێنانان ژیانا خۆ ژدەستداین و حەفت خاندەکارێن دی ژی برینداربووین، سەرۆک
وەزیرێن عێراقێ فەرمانا دویرخستنا هەر ئێک ژ سەرۆکێ ئەکادیمیایا سەربازی و یاریدەرێ
وی، عەمیدێ کۆلیژا سەربازییا چارێ و ئامر فەوجێ تایبەتمەند ژ پۆستێن وان دەرکر.
ئەڤرۆ چارشەمبی، سەباح نەعمان، پەیڤدارێ فەرماندەیێ
گشتیێ هێزێن چەکدارێن عێراقێ د راگەهاندنەکێ دا بەلاڤکر، محەمەد شیاع سودانی سەرۆک
وەزیرێن عێراقێ بڕیارا پێکئینانا جڤاتەکا ڤەکۆلینێ دەرکر بۆ دەستنیشانکرنا وان
کەسێن کێم تەرخەم و گرتنەبەرا رێکارێن یاسایی ل دژی وان، ئەڤە ژی پشتی بوویەرا ڤەکۆلینا
سەربازیا چارێ ل پارێزگەها زیقار، کو ب وی سەدەمی پێنج خاندەکاران ژیانا خۆ
ژدەستدان.
د وێ راگەهاندنێ دا ئاماژە ب وێیەکێ ژی هاتیە کرن، فەرماندەیێ
گشتیێ هێزێن چەکدارێن عێراقێ هەر ئێک ژ سەرۆکێ ئەکادیمیایا سەربازی و یاریدەرێ وی،
عەمیدێ کۆلیژا سەربازییا چارێ و ئامر فەوجێ تایبەتمەند ژ پۆستێن وان دویرخستن و ل
کارێن وان ژی هاتنە دەرکرن.