PM:12:10:20/05/2025
1364 جار خوێندراوەتەوە
+
-
وەزارەتا داراییا عێراقێ
بۆ ئێن ئاڕ تی ڕاگەهاند، دابەشکرنا مووچەیێ هەیڤا پێنج دەستپێکریە و بەری جەژنێ
مووچەیێ هەمی مووچەخۆران دێ هێتە دابەشکرن و 1% یا مووچەیێ فەرمانبەران دێ
هێتە بڕین.
ئەڤرۆ سێشەمبی، لدویف
زانیاریێن ئێن ئاڕ تی، بەرهەڤیێن لیستا مووچەیێ هەیڤا پێنج یێ مووچەخۆرێن هەرێمێ ب
سیستەمی پەیرۆل دەستپێکریە و ژ شەڤا دەربازبووی ڤە هەمی وەزارەت و سازی هاتینە
هایدارکرن بۆ بەرهەڤکرنا لیستێ.
پشتی 20 رۆژان ژ
گیروبوونا مووچەی، حکومەتا رێڤەبرنا کاران سیستەمێ پەیرۆل کارا کریە و هەمی وەزارەت
ئەرکدارکرینە کو دەست ب بەرهەڤکرنا لیستا مووچەیێ هەیڤا پێنج بکەن.
ئەڤە د دەمەکی دایە، تا
نها نیڤا داهاتێ ناڤخۆیێ هەیڤا چار رادەستی بەغدا نەکریە، هەڤدەم، بۆ ڤێ هەیڤێ
لدویف بڕیارا 281 وەزارەتا پلاندانانا بەغدا ب رێژەیا 1% لێبرین ل مووچەی دێ هێتەکرن،
ئەڤە ژی ژبەر هژمارا فەرمانبەران یان رەقەم وەزیفی کو هەیڤا دەربازبووی حکومەتا عێراقێ
بڕیاردا ئەو هژمارە بۆ فەرمانبەرێن هەرێمێ ژی بهێتەکرن.
لدویف زانیاریێن ئێن ئاڕ
تی ژی، لێبرینا مووچەیێ دێ ژ مووچەیێ بنەرەتیێ هەمی فەرمانبەرێن هەردەمی و گرێبەست
بیت.