PM:06:43:19/05/2025
388 جار خوێندراوەتەوە
+
-
کارەبا سلێمانیێ دبێژیت، بهایێ کارەبێ ل وان مالێن کو
کارەبا ٢٤ دەمژمێری هەبوویە، دناڤبەرا ٢٥ بۆ ٥٠ هزار دیناران دا بوویە، ئەڤە ژی ل ڤی
وەرزێ بهارێ و ب داشکاندنا ژ سەدێ ٥٠.
ئەڤرۆ دووشەمبی، ١٩ێ ئەیارێ، زێدەباری وێ چەندێ کو
داشکاندنا ٥٠٪ بۆ بهایێ کارەبا پرۆژێ رۆناهیێ هاتیە کرن، کارەبا سلێمانیێ دبێژیت،
ئەو وەلاتیێن کو کارەبا ٢٤ دەمژمێری هەبوویە، پارەیێ کارەبێ بۆ وان دناڤبەرا ٢٥ بۆ
٥٠ هزار دیناران دا بوویە.
ئەڤە د دەمەکیدایە، ل ڤی وەرزێ بهارێ خەلک کارەبەکا زۆر
بکار نائینن و د هەمان دەم دا ژی پرۆژەی داشکاندنا ٥٠٪ بۆ بهایێ کارەبێ کریە، بڤێ
یەکێ ئەگەر داشکاندن نەهاتبا کرن، بۆ هەر مالەکێ نێزیکی ١٠٠ هزار دیناران دهاتن.
ب رامانەکا دی، ل وەرزێ هاڤینێ کو وی دەمی خەلک ژ ئەگەرێ
گەرمایێ ب نەچاری کارەبێ زێدەتر بکار دئینن، داشکاندنا پارەیێ کارەبا پرۆژەی ژی
نامینیت، ب کێمی ڤە هەیڤانە ١٥٠ بۆ ٢٠٠ هزار دیناران پارێ کارەبێ بۆ وەلاتیان دهێت.
ژ لایەکێ دیڤە، پرۆژێ رۆناهیێ ژبلی وەلاتیان، نها دام و
دەزگەهێن حکومەتێ ژی ڤەگرتینە و د نویترین بریار دا بهایێ هەر کیلۆواتەکا کارەبێ بۆ
دام و دەزگەهێن حکومی ب ١٦٠ دیناران هاتیە دیارکرن.
لدویف زانیاریێن ئێن ئاڕ تی، بریارا حکومەتێ بۆ وێ یەکێ یە
کو هەر وەزارەت و دام و دەزگەهەک کارەبێ زۆر بکار بینیت، ب کێمکرنا خزمەتگۆزاریان
بهێتە سزادان، ب تایبەتی راکرنا سپلێت و ئامیرێن فێنککرنێ یێن پێدڤی ب ئەنەرژیەکا
زۆرا کارەبێ هەبیت.