PM:06:20:19/05/2025
884 جار خوێندراوەتەوە
+
-
یانەیا دهۆکێ لسەر
سزادانا ڕاهێنەرێ یانەیێ راگەهاندنەک بەلاڤکر و تێدا هاتییە، سوبەهی ل لژنەیا
''ئستیئنافێ'' دێ تانێ ل ڤێ بریارێ دەین، ژبەرکو ئەم دزانین سزایەکێ گەلەک و گەلەک
تووند و دژوارە.
ئەڤڕۆ دووشەمبی ١٩ـێ
ئەیارێ، یانەیا دهۆکێ راگەهاند بەلاڤکر و راگەهاند، وەکی کارگێڕییا
یانەیا دهۆک رێزێ ل بریارێن ئێکەتییا فۆتبۆلا عێراقێ و هەمی لژنەیێن وێ دگرین، لێ
ئەو بابەتێ دیارییا دهۆک و تەلەبە دا ل یاریگەها مە هاتييه پێش، نە ڤەڕێژا ئێک یاری
بوو، بەلکو خڕڤەبوونا کار و بریارێن خەلەت یێن هژمارەکا یارییا بوون کو دەرحەقێ
راهێنەرێ مە دهاتنە کرن.
ئاماژە ب وێیەکێ ژیکریە،دڤێ یاریێ دا ڤۆلکانا دناڤ سینگێ کاپتن مەسعودی دا تەقی
و ئەو روویدای یا مە هەمییا پێشبینی نەدکر. ئەم هەست ب ئازار و نەخۆشیێن کاپتن مەسعودی
دکەین و بەرەڤانیێ ژ وی دکەین و، د هەمان دەمدا ئەم نە دگەل پەیدابوونا خەلەتیێ نە،
خەلەتی ب خەلەتیێ ناهێتە چارەسەرکرن.
راگەهاند ژی، سوبەهی ل لژنەیا
''ئستیئنافێ'' دێ تانێ ل ڤێ بریارێ دەین، ژبەرکو ئەم دزانین سزایەکێ گەلەک و گەلەک تووند و دژوارە.
ئەو یەکژی بەرچاڤکریە، پشتی یارییا بەرامبەر
شورتە ل حەفتییا بهێت، وەکی کارگێڕی د کۆمبوونا خۆ دا دێ بریارەکێ دەین، لێ هەر
ژنوکە تا وی دەمێ مەسعود میرال راهێنەرێ مەبیت دێ سەرپەرشتیێ لسەر تیمێ کەت و کارگێڕییا
یانەیا دهۆک دێ ژ نێزیک ڤە دیڤچوونا بابەتی کەت.